The Popsy Room (已結業)

入到去Popsy Room，你第一个感觉会以为佢系Art Gallery，完全冇谂过佢哋系一间做Fine Dining嘅私房菜，今次多得朋友嘅介绍，令我系十二月头就已经食到圣诞大餐，圣诞月就此展开 我同朋友拣咗由八道菜组成嘅圣诞大餐，佢哋嘅菜式亦好特别，你完全唔会谂到佢哋会用中国酒嚟做一道西式菜，而一鸭两食系西餐嚟讲亦好少见。个人嚟讲，系咁多菜式当中，我个人最钟意嘅就系龙虾汤，佢哋个汤用料十足，最特别之处系佢哋上菜时，啲龙虾同个汤系分开上，你完全可以睇到你嚟紧饮嘅汤有几足料，然后侍应就开始帮我哋倒汤，一个靓靓龙虾汤就咁呈现系你眼前。当然卖相靓，味道亦好重要喇，佢哋个汤口感丰富，鲜味十足，完全感受到厨师嘅用心制作。用餐之余，亦睇多咗少少呢间餐厅嘅资料，佢哋平时除咗会跟唔同嘅Artist合作举行画展外，亦会按Artist嘅画作嚟设计菜单。一间餐厅，除咗可以欣赏画作，又可以有私房菜食，呢个咁新颖嘅概念，绝对可以约埋朋友嚟再Encore。