XTC Gelato (已結業)

XTC 买一球送一球嘅电子优惠券今个月到期，上次去希慎广场时无食到，因为人𠮶间得好少味道，今日黎Lcx 影叮当，突然醒起码头呢边有间分店，正好影完相就过黎买 , 都几多人o系度试紧味, 我以前都系咁 xdGelato 其实唔系几arm我食，太软身同太重奶味，不过因为佢有好多特别味道，而且间中都有新口味推出，以前喺呢头返part time 都经常帮衬，最深刻系焦糖香蕉味，好味但甜得好过分，仲有奶茶味，好香浓但同样过甜，食完一定要饮水。今日试味试左蕃茄味，好清淡嘅茄味，几得意。而正式买就拣左两球雪芭，因为夜晚仲要同家人食生日饭，怕雪糕食两球会太腻。1.红桑子味~ xtc 嘅雪糕食落好软滑，无乜感觉到啲冰，有啲似杰身嘅smoothies ，红桑子味接受到嘅叫香甜，有人会觉得似药水，我钟意佢嘅酸味，好温和，大啖滑入喉咙都唔会令人咪眼缩膊，味道鲜明浓厚，一小球已足以享受。2.石榴味~清新石榴味，只有少许甜，较红桑子味有冰感，而且内含果肉，份外清怡，佢嘅淡刚好调和返红桑子味嘅浓郁，食完都无咁口渴## 买一送一优惠后，为$15一个，认真抵食！下次再有优惠券以供下载，亦不能错过。