第一郡

营业中

休息中

第一郡呢间越南嘢喺旧舖嘅时候已经想食喇，但系经常行过都好多人排队，而且当时门面唔太大，所以一直都未有尝试。而家第一郡嚟咗油麻地开铺，铺面阔落咗好多，放工经开呢头就嚟咗呢度开餐啦。今日返工忙得滞连晏昼都冇食，所以我哋就决定大吃特吃，主食我哋嗌咗蟹膏蕃茄汤檬同埋烤猪肉法包，小食方面就嗌咗大嘅米纸卷，至于嘢饮呢一人一杯沙冰就走唔甩喇。蟹膏蕃茄汤檬汤檬汤底10分香浓，又唔会一味死咸，大啖大啖食都唔会好漏，当中配料最突出嘅就一定系蟹饼，食落啖啖蟹味，蟹膏同蟹肉捞埋嘅味都好突出。好味指数： 🌕🌕🌕🌕🌕米纸卷（大）米纸卷就同餐牌上嘅相一模一样，大嚿得来好足料，除咗有呢啲食落好清爽嘅配料之外，仲有大大只虾添。好味指数： 🌕🌕🌕🌕🌑烤猪肉法包法包方面传统嘅就食得多，今次我哋就嗌咗烤猪肉法包，估唔到又有另一番风味，烧烤过嘅猪肉就好似食紧串烧咁样，同埋发包外脆内软嘅配搭，简直就系一流！好味指数： 🌕🌕🌕🌕🌕食到咁上下见到隔篱枱嚟咗一碟香茅鸡翼，我都忍唔住再嗌咗，食完个鸡翼再饮埋杯沙冰就饱到揽住个肚走喇。