Y Pasta (已搬遷) 新店位置

今日同朋友嚟Y Pasta食饭 虽然系礼拜四晚 但系都几full下 好彩我哋嚟到𠮶阵 啱啱好可以坐到全间铺头第1001张枱 所以唔洗等 (坐低之后见到下一位客人已经要等起码10分钟)我地嗌咗个泰式冬阴公香辣肉碎宽面。个意粉都几好食 但系fusion得来有少少怪。冬阴公比我个印象一般都应该系要够先够辣先好食 但系佢就加咗啲忌廉汁黎煮 变咗少咁啲泰式风情嘅感觉 比较似鬼佬冬阴公多啲。个人比餐厅嘅意见系如果可以唔用忌廉黎煮个汁嘅话 应该会比较好食有泰式风情一啲。但系整体而言都系好食嘅 几特别 值得一试。另外我哋仲嗌咗忌廉汁黑松露酱巴马火腿扁意粉 跟套餐。套餐就有一个汤同埋嘢饮 我哋加咗少少钱 令到个嘢饮upgrade做红酒。以加咗几十蚊就有嘅红酒黎讲 呢度个红酒真系算超级出色。另外佢个意粉嘅黑松露味超重 超足料！呢个真系超级无敌推介！小食方面我哋仲嗌咗个香辣水牛城鸡块。一般餐厅嘅水牛城鸡块都会跟sriracha sauce and blue cheese sauce。呢度嘅芝士汁就有啲稀 有少少扣分 但系个鸡块就okay好食嘅。