農耕記 湖南土菜 (東港城)

营业中

休息中

到咗将军澳“蔚蓝湾畔”探朋友，咁啱见到东港城农耕记（湖南土菜）试业，呢个系我钟意的湘菜餐馆啊，朋友未曾试过，我就强烈推介佢试吓，话唔埋下次就同我一様钟意番，咁就可以多多同佢一齐试多D唔同嘢，谂起都开心。嗌咗三个𩠌一杯嘢饮。“鲍鱼辣椒炒肉”，“蒜蓉粉丝虾仁”和“清炒毛白菜”就系三𩠌，其中"鲍鱼辣椒炒肉"真系台台必点𩠌，亦只有佢系微辣，另二样就唔辣，适合初试者，费事吓亲朋友。有一样嘢系我要讲嘅，就系平时我系唔食蒜头㗎，但今次辣椒炒肉入边啲蒜头入晒味，又腍腍哋超好食，不知不觉就咁食落肚，一啲都有剩，劲呢👍🏽👍🏽“粉丝虾仁”道𩠌好靓咁好摆好喺个锅度，上台即煮，仲有个漏斗计时器帮助计时，真系好新鲜，又可控制时间令到个虾不会过熟。"香水柠檬茶"有成1L，所以2人一杯share啱啱好。