影片
更多
2023-08-11
135 浏览
🎯好耐冇食过汉堡包啦，熊妹有一日行过旺角黑布街，发现开咗呢间美国风贫民窟汉堡包店《Ghetto》，太空舱的门面设计非常抢眼👀，今日再同爱吃汉堡的卡肥过嚟试一下啦。📌汉堡包店唔算好大，有四五张四人枱，用上透明胶凳胶枱，墙身画上五颜六色的涂鸦🎨，成个感觉真系好美国hip-hop风。🥁📌成间餐厅都系以橙色做主题，连餐牌餐纸全部都系橙色，感觉好鲜艳。📌汉堡包价钱真系唔贵，由$45到最贵嘅$110 ，仲可以额外加$5至$10添加汉堡包内的配料，不过要加一⤴️。📌点个汉堡包，加$10就可以有套餐，包汽水同粗薯条，再另加$10就可以转甜薯条、芝士墨西哥粟米片或者炸洋葱圈。📌其余仲有一啲炸物小食包括鱿鱼圈、吉列鱼手指同水牛鸡翼等等，价钱由$40至$78 ，真心唔贵。📌饮品方面有美国人最经典的餐饮奶昔🍼，另外仲有酒精类饮品🍸提供，成个外国风味都出晒嚟。美式经典芝味牛肉汉堡， $45 ，加洋葱， $5📌卡肥话汉堡包最经典最好食，冇其他咁多配料整色整水，先可以食得出牛肉汉堡嘅原汁原味，但系都系要加埋洋葱先成立。经典芝味牛肉汉堡🍔即系上下一层软熟嘅面包🍞，夹住一层牛肉汉堡🐮，一片蕃茄片🍅、一片生菜片🥬同一片
🎯好耐冇食过汉堡包啦，熊妹有一日行过旺角黑布街，发现开咗呢间美国风贫民窟汉堡包店《Ghetto》，太空舱的门面设计非常抢眼👀，今日再同爱吃汉堡的卡肥过嚟试一下啦。
📌汉堡包店唔算好大，有四五张四人枱，用上透明胶凳胶枱，墙身画上五颜六色的涂鸦🎨，成个感觉真系好美国hip-hop风。🥁📌成间餐厅都系以橙色做主题，连餐牌餐纸全部都系橙色，感觉好鲜艳。
📌汉堡包价钱真系唔贵，由$45到最贵嘅$110 ，仲可以额外加$5至$10添加汉堡包内的配料，不过要加一⤴️。📌点个汉堡包，加$10就可以有套餐，包汽水同粗薯条，再另加$10就可以转甜薯条、芝士墨西哥粟米片或者炸洋葱圈。
📌其余仲有一啲炸物小食包括鱿鱼圈、吉列鱼手指同水牛鸡翼等等，价钱由$40至$78 ，真心唔贵。
📌饮品方面有美国人最经典的餐饮奶昔🍼，另外仲有酒精类饮品🍸提供，成个外国风味都出晒嚟。
美式经典芝味牛肉汉堡
$45
9 浏览
0 赞好
0 留言
📌卡肥话汉堡包最经典最好食，冇其他咁多配料整色整水，先可以食得出牛肉汉堡嘅原汁原味，但系都系要加埋洋葱先成立。
经典芝味牛肉汉堡🍔即系上下一层软熟嘅面包🍞，夹住一层牛肉汉堡🐮，一片蕃茄片🍅、一片生菜片🥬同一片芝士片🧀。
果然，经典真系经典，牛肉汉堡层非常厚实，煎香嘅牛肉汉堡咬落去仲会渗啲牛肉汁出嚟，连埋软熟嘅面包，仲有蕃茄同生菜的清新解左牛肉油脂油腻，仲有热熔芝士嘅咸香，多层味道就系形成经典汉堡嘅滋味。
卡肥必要嘅洋葱🧅，又真系令到经典汉堡包锦上添花🌸，炒熟咗嘅洋葱丝煮得好浓稠，变成好似洋葱酱咁，密集式嘅洋葱丝好浓味，夹埋牛肉汉堡同其他材料一齐食，多多一重重味嘅味道，又真系如果冇咗佢就真系争紧啲野咁，卡肥果然冇介绍错，汉堡包粉丝果然并非浪得虚名。
黑松露芝味牛肉汉堡
$65
4 浏览
0 赞好
0 留言
📌熊妹真系黑松露爱好者，不嬲有选择困难症，但系望到个餐牌就即刻二话不说拣呢个-黑松露芝味牛肉汉堡，另外仲转左暗黑竹炭包，黑黑嘅配搭啱晒啦！
好正呀！黑松露酱好香呀！黑松露酱系杰身的，搽喺面头嘅暗黑竹炭包上面，下面一层就系牛肉汉堡，可以即刻食到黑松露夹系牛肉汉堡嘅味道，浓味嘅黑松露酱渗出牛肉汉堡嘅煎香，仲有满泻嘅热溶芝士，夹埋蕃茄生菜片，食到最后口腔仍然会萦绕住香浓嘅黑松露酱，黑松露酱果然完胜。
暗黑竹炭包包嘅质感比起普通汉堡包硬啲随脆身啲，味道本身冇乜味，都系食噱头嘢，卖相特别的。
爆炒洋葱煎蛋手打牛汉堡
$55
2 浏览
0 赞好
0 留言
📌作为汉堡包大食粉丝，食量惊人的卡肥平时食开两个餐，食一个包又点会够㗎？再点咗个爆炒洋葱煎蛋手打牛汉堡，又系一定要有的洋葱🧅。
呢个汉堡包就多咗一份煎蛋🍳，多一重蛋味，蛋黄虽然唔系流心，实心嘅蛋黄粉粉地，令蛋黄味更加出，连埋牛肉汉堡、蕃茄、生菜同芝士一齐食，各款材料味道独到，喺口腔入面又混合埋一齐，好味又饱肚。
芝士墨西哥粟米片，甜薯条，炸洋葱圈
$10
6 浏览
0 赞好
0 留言
📌熊妹钟意食甜薯条，有薯条同甜薯条拣，一定会拣甜薯条。
用上番薯条🍠炸成嘅甜薯条，食落会淋身啲，番薯条嘅口感，面头仲洒满一啲糖粉，令到番薯条更吊多一层甜味，比起出边嘅做法有啲唔同，又几特别，甜甜地的番薯条解左刚才汉堡包的油腻，然后再能够战斗跟著的咸食炸物，呢个就系熊妹偏爱吃番薯条的地方，食吓食吓，熊妹成兜食晒，真系唔系讲笑。
炸洋葱圈（右下），跟餐价追加$10
📌咁钟意食洋葱嘅卡肥梗系唔会错过洋葱嘅产品啦。
炸洋葱圈份量都几多下，有大大小小嘅洋葱圈，洋葱炸皮厚实少少先可以令一片片洋葱圈炸得成形，虽然有一层炸皮，但系同薄薄嘅洋葱圈🧅食落去又唔觉好厚仲要好脆身，咬落去食到条条洋葱丝，炸物再点埋茄汁食，又咸又甜酸又有洋葱本身嘅重味，呢个洋葱圈做得几出色。
芝士墨西哥粟米片（左），跟餐价追加$10
📌芝士墨西哥粟米片系卡肥最爱嘅零食，当然都唔会放过啦。
香浓嘅芝士味，就配上《Ghetto》自家制嘅sour cream，质感好浓稠食落似cream cheese，虽然都知道系现成嘅包装芝士墨西哥粟米片，但卡肥话要喺出面先可以食到连埋sour cream嘅味道，酸酸咸咸芝士味🧀，果然食到卡肥舔舔脷。👅
吉列鱿鱼圈
$68
5 浏览
0 赞好
0 留言
📌跟餐嘅小食仲未够喉，卡肥话仲要再额外点啲小食，咁一于试匀去啦。
吉列嘅做法比炸皮薄啲，就系鱿鱼圈面头涂一层连蛋炸粉的蛋浆去炸，炸皮唔厚但系又脆脆地，重点食出鱿鱼圈嘅鱿鱼味🦑同烟靭，一大兜份量好多，本身都加入咗调味粉去炸，咸咸地已经好够食出鱿鱼嘅味道。
水牛鸡翼
$78
0 浏览
0 赞好
0 留言
📌食完咁多炸物，再食埋个鸡翼就真系圆满啦。
一兜有六七件鸡翼🐥，鸡翼嘅size可以叫做系鸡翼仔，细细地一啖摆落口再可以连骨拉返出嚟，呢个size真系唔错。
水牛城酱酸酸辣辣非常惹味，沾满上每一件鸡翼的表面，食落去充满酱汁嘅味道。
士多啤梨奶昔
$38
1 浏览
0 赞好
0 留言
📌熊妹觉得嚟到美国汉堡包店，都一定要饮返美国人嘅餐饮-奶昔，先算系完成成个美国餐。
奶昔嚟讲，士多啤梨奶昔应该系最为突出喇，因为士多啤梨🍓同奶🍼嘅味道会好夹。
真系好出色嘅一杯奶昔🍹，软绵绵嘅奶昔好creamy，用上嘅士多啤梨酱唔会好甜，亦都冇药水味，好丰满嘅奶味，饮落唔会好稀，材料嘅比例做得好好，上面仲有一大朵忌廉花🌹，成个卖相都好美丽，好似一杯粉红佳人咁💃，食咁多肥嘢仲饮埋呢杯肥妹野，熊妹今铺唔肥都难喇。
📌餐厅就会不断播放住一些Hip Hop嘅广东歌🎼，一路食一路听，好似参加紧一个摇滚派对咁🎸，再望住墙上各式各样嘅graffiti🎨同暗黑的环境气氛，熊妹好似身处喺美国汉堡包快餐店入边，喺香港嚟讲真系一个非常另类嘅餐饮感受！
张贴
