瑪拉小廚 (已結業)

印度野我只会食呢间，别冇他选，昨天突然想食玛拉，好挂住D野食，就book左今日去食。好钟意呢度系因为环境气氛甚至服务都好到加零一！令我有宾至如归既感觉，老板超nice, 好主动同你解答餐牌上既任何疑问，每次去都好好服务，我地今晚叫左必叫必叫我至爱既fish mango salad！鸡肉阔条面同埋mala's four season pizza老板话可以楝多一款味，他就拣左香辣肉肠。沙律先上，都系咁大盆，好好味既沙律汁，酸酸的，十分开胃！芒果香甜到不得了，鱼热辣辣，而且又煎过，啖啖肉，仲有青瓜，蕃茄仔，红椒以及各式各样既沙律菜都好爽脆好新鲜，同沙律汁好夹！（可是太肚饿，竟然唔记得影佢！）Pizza黎到，我至爱既四季pizza,好热，皮好脆，佢既味道似泰式甜辣酱，上面有好似菠菜既菜，有芝士，我KO左两件，他就喜欢佢另一边既辣肉肠，我就麻麻地，都系四季啱我口味d. 最后黎到既阔条面，好大碟！好creamy既sauce,每条都沾满晒酱汁，鸡肉不是鞋刹刹的，反而好软，仲有好多大旧既菇，意粉煮得刚刚好，有咬囗，全部都有样又有质素，真系好正呀！一定好快再黎食过！