Pancake Colours Cafe & Bar (已結業)

今日同朋友闲逛旺角，行到肚饿饿但又唔想成日食黎食去都系个啲野，于是就开始四围搜索下有冇特别既餐厅。行到琼华，见到Pancake colour既广告牌，见个餐厅名咁特别于是上去睇下有咩食。开头以为会系一间甜品舖，但上到去发现呢间餐厅既食物种类有好多，所以决定入去试试。餐厅内装修亦好特别，摆左好多唔同款式既坐椅，有别于其他普通西餐厅。望下个餐牌发现有好多野都想试，虽然我地得两个人，但都叫左好多野食。罗宋汤-酸酸地好开胃，而且汤有好多杂菜，可以中和番全肉既主菜西冷牛扒配薯菜-薯条份量好多，我地拣左黑椒汁，薯条点黑椒汁好好味；牛扒叫左8成熟，刚刚好，唔会太韧亦唔会太'林'芝士肉酱焗薯条-肉酱份量足，可以点晒所有薯条，最爱系食上面层芝士铁板豚肉饭-酱汁同豚肉味道挺夹炸鱿鱼须-炸粉唔会话好厚，咸淡适中，鱿鱼须既份量多，yummy!德国芝士肠-本身有配一个酱汁，但我觉得唔点都可以法国芒果班戟-芒果唔系直接包系班戟内，而系另放碟上，芒果几甜，班戟伴雪糕简直系绝配，为今餐画上左个完美既句号至于饮品方面，我地叫左一杯冻柠茶同一杯曲奇脆米朱古力，味道不错，可惜我地实在食得太饱啦，饮左半杯左右就无饮