BTS美食站

营业中

休息中

好耐冇食过泰国嘢，今晚经过九龙城，就帮衬返我最喜欢嘅BTS 美食站。两个人叫咗下面嘅𩠌菜，泰式凤爪 - 咩都唔算啦，适合啲唔识得辣嘅人士，分量好多。如果再重少少就好啦。青咖喱海鲜 - 青咖喱一啲都唔难，但海鲜嘅份量好多，配合好重嘅椰香味， 用嚟送饭或伴住蒜蓉包食一流。蒜蓉包 - 香脆可口， 蒜蓉味好浓。泰式生菜包 - 味道酸辣， 加埋个生菜包住嚟食， 味道一流！小曼谷炒饭 - 用蛋包住嘅泰式炒饭， 个人认为系嚟到呢间餐厅必点嘅食物之一。份量好大份，而炒饭入边有蟹柳、扎肉、猪颈肉等等嘅炒饭，材料充足，味道好好。呢间餐厅价钱合理，味道又贴近泰国地道餐厅嘅味道嚟到九龙城谂唔到去边度食嘢嘅时候，呢度系一个好去处。