喇沙大少 (已結業)

老公工干去 独自去偷欢 去宜家买家私 顺便去Megabox行下街 买下圣诞礼物 入老公数 呵呵。一个人的晚餐 唔想食西餐 行下行下见到喇沙大少 喇沙唔系重点 重点系有海南鸡饭 Wooooo 卖飞佛！星加坡菜我一向有偏爱。海南鸡饭 配上肉骨茶 好胃口的我 再叫了三串猪肉串烧 好放肆。海南鸡系无骨既 真是正中下怀 我好怕lur骨 鸡肉唔肥 好嫩滑 新鲜。有淡淡咸香。配上蒜蓉辣椒酱 少少酸带上辣味 好开胃。鸡油饭有点黄姜味 鸡油香气扑鼻 捞埋特色甜酱油 无得顶。肉骨茶 其实唔知道正宗系咩味道 只是知道分了药材派和胡椒派。喇沙大少既反而系别树一格的自家派。淡淡杞子和药材味 配上豆卜 腐皮 排骨 上枱时附上火炉 一边温暖著 在咁冻的天气 可以一直饮著热汤 感觉非常好。豆卜腐皮好入味 有淡淡杞子香 排骨偏软身 都几入味 如果咸味再稍微减一点 就更好。串烧猪 竟然是今晚亮点 沙爹酱好香花生味 猪肉烧得刚刚好 弹牙 唔过熟 配上沙爹酱 一绝配。