茶山

营业中

休息中

估唔到入到长洲除左食芒果糯米滋，仲新开左间日式甜品店，仲几有惊喜。环境几chill，几啱三五知己行到攰入嚟倾偈食下甜品打卡，总共Order左3款甜品：哈密瓜梳乎厘pancake、晴王葡萄芭菲、密瓜牛角窝夫。首先到系密瓜牛角窝夫，食落脆口酥脆，价钱只系$52就有两块，几抵食。晴王芭菲有好多层，食落唔会好腻，成个配搭好match，晴王好甜，果然一分钱一分货。等左大概40分钟，呢个哈密瓜梳乎厘pancake终于到啦，万众期待，好彩无令人失望，哈密瓜几甜，梳乎厘有3块食落仲有阵阵蛋香味👍，虽然卖相差左少少，有啲位崩左😵，整体都唔错，餐牌仲提供左好多唔同款既生果选择。下次再到长洲再试其他！大满足。