スーパー丼 (駱克道) (已結業)

地址－スーパー丼 (骆克道)铜锣湾骆克道501号地舖💋雪糕咖喱吉列猪扒饭(大辣)配动感超人芒果特饮，首先系门口度已经见到劲多小新，绝对系心心眼，入到去之后见到雪糕居然出现系咖喱饭内，唔好讲咁多，即刻叫黎食下，一上枱见到佢碟饭份量好大都唔及佢雪糕躺在咖喱汁上咁震撼，首先佢个咖喱汁真系好辣下，但配埋雪糕的加持下，辣度至少降低左一级，可以想像好似咖喱汁配埋D呍呢嗱味忌廉咁，好特别，真系去到必点！而佢块吉猪好厚身，炸得好香脆，配埋呍呢嗱味咖喱，劲正。而饮品方面，我地拣左动感超人芒果特饮，首先已经比佢个卖相吸引左，再饮落酸酸甜甜咁，更进一步地解辣，而最后，佢跟埋腐皮寿司同面鼓汤，真系想唔饱都难。💋吞拿鱼腩蓉，三文鱼籽，温泉蛋丼，佢D吞拿鱼腩蓉肉质肥美香滑，将佢连同三文鱼籽，温泉蛋一齐捞埋黎食，每一啖饭都完美地被吞拿鱼蓉，葱粒等包围，食落口同一时间感受到鱼蓉的香滑,三文鱼籽在口中爆发的口感，味道又带一点温泉蛋黄中的蛋香，口感味道层次劲丰富，令人难忘。