風車

营业中

休息中

今日去开大围度开工，想食西班牙fusion菜好耐，所以去左风车度食lunch。 系大围站行5分钟到就到，非常方便。内面装修简约，有bar 枱，有电视，有好靓既大吊灯。仲有周围都吊起左不过足球国家队波衫既汽球，已经为黎紧既世界杯准备好。睇完个menu，我叫左个西班牙风干火腿配田园沙律 (HKD 30)，流心蓝芝士牛肉汉堡 (HKD 71)，加左块鹅肝 (加HKD 45/ pc)。至于饮品就要左热荔枝茶。先黎既系田园沙律，卖相唔错，有好多风干火腿ssss，味道一流，仲有唔少沙律菜，蕃茄，青瓜等等。我觉得几清新，味道酸酸甜甜，系一个唔错既开胃前菜。跟住黎既就系个芝士牛肉汉堡。最上面同最下面既到系汉堡包，由肥厚既鹅肝叠住汉堡再叠住蕃茄沙律菜。佢块鹅肝真系好肥美，令人回味无穷。佢块汉堡都好大块，切开佢之后你会见到啲蓝芝士好似啲心太软咁流出黎，非常正，可见烹调有技巧亦有心思。另外，佢仲有啲薯角伴住，可以点茄汁调味。个荔枝茶好有荔枝香味，但系味道清淡，啱哂食完芝士流心汉堡既食客。