櫻田日本餐廳

無諗過會喺沙田搵到咁有質素嘅食府。好少食鐵板燒，所以食物質素無得比較。不過，我覺得好好味。甜品係蜜桃sorbet, 又香🥰又甜😋最叫我欣賞嘅，係服務。侍應們絕無高聲傾談，對餐牌有詳盡介紹，收拾碗碟又快又靜。廚師奉上每碟食物都會介紹一下，點邊款醬汁。聽到客人傾談關於食嘅話題，又會適時加入講兩句。由當地嘅廚師主理固然吸引，有同聲同氣嘅廚師邊煮邊同你傾兩句，又有另一番親切感。作為最後離開嘅一枱食客，都唔會有「趕收工」嘅感覺。餐牌上仲有好多嘢未試，期待下一次。