意粉屋 (已結業)

星期6放工去咗意粉屋食晚餐。一行三人，六点半去到，人不多，唔洗等位。credit card 做紧promotion，有个二人餐几好，亦知佢地份量好足，于是叫个二人餐都够食。个餐有两个餐汤，沙律，拣咗一个饭同一个意粉，仲有餐饮。餐汤不过不失，一贯水准啦。烟三文鱼沙律真系好好食，垫底嘅唔系什果，而系沙律菜，好清新。沙律菜好爽脆，smoked salmon好好食，大大块，新鲜唔腥。带子carbonara质素好好，好过pizza hut 𠮶d一千万倍。个白汁好浓好杰，包裹住每条意粉。配料有bacon & scallop，两者都好好味。海鲜墨鱼汁饭哗，劲多芝士喺面，我唔食芝士架，不过阿妈就好like，佢话一次半次唔怕啦，于是就好快手咁将d芝士捞晒落d饭度.......劲cheesy，毕饭嘅时候见到d cheese 一丝丝咁，好腻。海鲜多款，有鱼、虾、青口、鱿鱼，份量十足。墨鱼饭带点烟韧，好吃！意粉屋嘅食物一向有质素，食物够热够味，服务也很好，水准稳定。