九重町日本料理 (已結業)

今日入去屯门蓝地探朋友，夜晚想食日本野朋友建议食呢间九重町。门口挂左好多红灯笼同有个大大个嘅招牌，好易认。我地6点几去到人流唔算多，餐厅入面空间都几大，位置亦都好多，环境好舒服。蟹子沙律军舰寿司面头铺满蟹子，加埋青瓜丝同蟹柳丝，口感鲜甜又清新。软壳蟹手卷即叫即整，所以就算入面有沙律酱都啲紫菜依然干身唔会淋。软壳蟹炸到金黄香脆，咬落啖啖蟹肉。海鲜锅有好多新鲜料！有青口、虾、蚝、鱼肉、豆腐、昆布、冬菇、娃娃菜等等，令到汤底好鲜甜！鳗鱼炒饭系用寿司米炒，每粒饭都好饱满同沾满鳗鱼汁，炒饭入面亦有好多肥美嘅鳗鱼粒，配埋红萝卜粒、蛋花、葱花，色香味具全！