Honbo

营业中

休息中

今晚上堂前嚟咗公司附近嘅日街食汉堡包， 之前都有食过佢嘅汉堡包， 虽然价钱唔平，但佢唔系麦当劳快餐汉堡包，系几高质同真系似外国既burger 店。 叫咗个impossible burger, impossible patty系素肉，喺香港呢种素肉好似唔系好common, 但系外国几流行嘅，终于我今次就试到啦！ 食落去同睇上去都系同肉几似，但感觉佢煮得比较㶶少少。 𠮶包仲配咗啲酸瓜同洋葱， 汁都系vegan嘅，但系个汁就唔系好浓味，所以我就加咗炸蕃薯条𠮶个酱，𠮶个酱超好食！ side我本来系想叫coleslaw salad嘅，但系见价钱都唔平，就决定叫炸番薯条，然后汉堡包既包换咗做lettuce bun, 咁就可以食少carbs。呢样想要赞一赞佢，香港好多专食汉堡包店都好似冇写明呢一个选项，其实换做生菜当包好common嘅，特别系keto diet既人就可以咁做~ 炸蕃薯条几大盘，唔系切到好幼个种，系一旧一旧嘅。佢配咗呢个有啲似系千岛酱，总之个调味酱好好味。