和田便當 (已結業)

今日早咗放lunch，就即兴约咗系金钟返工嘅朋友食饭。行行下见到呢间和田便当，五六十蚊就有个饭食，好抵啊！快快脆脆takeaway两盒饭同朋友share！广岛蒜盐汁烧豚肉 Sauteed Pork with Negi Shio Sauce 呢款广岛蒜盐汁都几特别，食落好惹味，充满蒜香，又唔会净系得蒜味，又唔会一味死咸，我几钟意食。豚肉系脂肪比较多嘅𠮶种，食落猪肉味几香。同埋值得一赞嘅系豚肉比得好多好多，一啲都唔孤寒，食到好饱。 寿喜烧牛肉 Beef Sukiyaki 呢款系朋友叫嘅，望落好丰富，有寿喜烧牛肉、豆腐、冬菇、萝卜等等，仲有西兰花、玉子烧同埋紫椰菜等等，我望到都流晒口水。我试左少少，虽然系便当但食落味道同寿喜烧火锅差唔多，算系几抵食。朋友话底下嘅牛肉都好多，食极都未食完。