饞。台式食堂 (如心廣場二期)

营业中

休息中

见到网站评论几好，午饭与友人来试吓。 简直系非常开心，因为样样都好满意。首先叫咗个台式牛筋腩刀削面，卤水豆腐，蒟蒻白桃乌龙茶，微糖。另外叫咗个温泉蛋黑胡椒牛肉，转卤肉饭。两个午餐都要青柠爱玉。 整体份量都几多，食得好饱，朋友仲食唔晒佢碗面。牛肉牛筋腩刀削面好好食，个汤辣辣地，汤水略嫌少咗啲，刀削面质感都好好👍🏻卤水豆腐评价好高，食落其实都觉得几好食，但就觉得有少少唔明点解网评咁高。 温泉蛋黑胡椒牛肉饭好好食好惹味，黑椒味好浓，都偏辣。 卤肉饭就好似冇乜特别，但都系属于整得好嘅。 蒟蒻白🍑乌龙茶好好饮，乌龙茶味好浓。 最后讲个甜品， 网络评价青柠爱玉冻好好，我食落就觉得普通，冇咩特别。 但整体食物质素各样都好满意，期待下次再光临试食其他。