Mami Cook (已結業)

寻日晚餐突然好想食韩式便当，经过九龙城见到居然有一间好似家庭式嘅外卖店，几新净，便行入去睇下有冇正嘢。舖头主力卖韩国菜，炸鸡、炒粉丝、紫菜饭卷都有，价钱中上。密桃小丸子叫咗个牛肉便当，啲配菜估唔到都几丰富㖞，有好多芽菜！我觉得合唔合格就要睇下啲Kimchi腌得好唔好味，呢一间都尚好，唔会太辣，但我觉得可以酸多少少就perfect 喇！最特别佢有啲腐皮，甜甜地少少辣，几好味，仲要有鹌鹑蛋，细细粒食落去咸咸甜甜咁几得意。啲牛肉同椰菜一齐炒，上面仲有块小小嘅蛋饼，所有嘢嘅调味都恰到好处，唔会太甜太辣，最紧要系热辣辣即叫即整，好味。中间嘅酸瓜我觉得系腌得最好，食到停唔到口😋😋😋整体来说，$83一个便当系有啲贵，但佢嘅配菜好多，份量都几够，味道唔错，所以我谂之后如果突然想食都会再买！