影片
更多
2020-04-03
60 浏览
𠮶日喺尖沙咀行，无心插柳下突然想食拉面， 经过金马伦道见到一间叫“鬼金棒“嘅拉面 ，咁就本主即管一试嘅心态入去食。其实卖拉面唔需要款式多花巧多，只要做得专注 ，就算产品唔多都可以杀出一条血路。 鬼金棒全个餐牌只有八碗拉面可以选择， 贵精不贵多。我就点咗一个增量叉烧x 2 辣麻味噌拉面(小麻小辣)，$135。拉面好快就已经奉上，一嚟到我已经畀面头两嚿庞大肥大肉厚嘅叉烧吸引住， 白白嘅一阵肥油加一层肉， 见到已经垂涎三尺 ，那管有多邪恶，食咗先讲，哈哈。食拉面第一步梗系饮一啖汤先啦， 出奇嘅系竟然饮唔到有味精味，带小小啲麻香同辛辣，对我嚟讲就刚刚好， 而且个汤做到肥而不腻，有我系日本食𠮶个水准 ，难得。再用筷子一扒 ，见佢个拉面比较粗身， 市面上比较少见， 但系粗身嘅拉面反而挂到更多拉面汤 ，食落口嘅时候更加弹牙。 碗面完全系意料之外地好食， 食晒个面之后虽然好饱，但系见到个大肉饭好似好吸引 ，捞埋啲日本葱一定好香口。 所以就追加一碗，同样地无令我失望 ，脂肪同肉比例均匀，用嚟捞饭简直一流。餐厅亦有提供即用即弃围裙，咁就唔怕食到全身都系啦。老老实实喺香港地食碗质素劲差嘅拉面都要100蚊或以
其实卖拉面唔需要款式多花巧多，只要做得专注 ，就算产品唔多都可以杀出一条血路。 鬼金棒全个餐牌只有八碗拉面可以选择， 贵精不贵多。我就点咗一个增量叉烧x 2 辣麻味噌拉面(小麻小辣)，$135。
拉面好快就已经奉上，一嚟到我已经畀面头两嚿庞大肥大肉厚嘅叉烧吸引住， 白白嘅一阵肥油加一层肉， 见到已经垂涎三尺 ，那管有多邪恶，食咗先讲，哈哈。
增量叉烧x 2 辣麻味噌拉面
$135
4 浏览
0 赞好
0 留言
食拉面第一步梗系饮一啖汤先啦， 出奇嘅系竟然饮唔到有味精味，带小小啲麻香同辛辣，对我嚟讲就刚刚好， 而且个汤做到肥而不腻，有我系日本食𠮶个水准 ，难得。再用筷子一扒 ，见佢个拉面比较粗身， 市面上比较少见， 但系粗身嘅拉面反而挂到更多拉面汤 ，食落口嘅时候更加弹牙。
碗面完全系意料之外地好食， 食晒个面之后虽然好饱，但系见到个大肉饭好似好吸引 ，捞埋啲日本葱一定好香口。 所以就追加一碗，同样地无令我失望 ，脂肪同肉比例均匀，用嚟捞饭简直一流。
餐厅亦有提供即用即弃围裙，咁就唔怕食到全身都系啦。
老老实实喺香港地食碗质素劲差嘅拉面都要100蚊或以上， 仲要得𠮶三片薄薄嘅叉烧 。呢一碗即使买135蚊，但系十分十分足料，性价比很高。
PS ：另外铜锣湾都有分店。
张贴
