喜天丼

营业中

休息中

我一直都好爱好爱食tempura，但要食到好味高质嘅tempura唔容易，但最近经朋友介绍发现尖沙咀有一间真系几好食！呢度有好多唔同款式嘅tempura don，第一次嚟食，梗系要食得豪气啲啦，所以要左伊势海老天don，入边有澳洲龙虾、茄子、秋葵、南瓜、莲藕、冬菇同流心玉子，澳洲龙虾有超多旧，啖啖肉加埋好爽口，食得出好新鲜，蔬菜类亦都整得好好，外脆内软，而且完全唔会觉得油腻，同时间亦都见到师傅喺厨房好用心咁样整，其实手法同喺日本正宗师傅嘅手势真系差不多！另外一个就要咗海鲜天丼，入边有海虎虾、穴子、带子、蔬菜鱼、松叶蟹钳、茄子、莲藕、冬菇同流心玉子，呢个蛋都真系好出色，真系做到流心效果！主食就两个都要咗热乌冬，不过其实见到隔篱枱个面荞麦面都好似好吸引，下次可以嚟试吓。饮品方面就要咗啤酒，呢度做紧买一送一优惠，同朋友嚟一定要啤一啤！