滋滋滋 (已結業)

Zizizi 系一间纹身店+cafe corner，嚟呢度可以一边听住滋滋滋纹身嘅声音，一边饮咖啡食蛋糕，真系好特别嘅体验啊！Cafe corner主要提供蛋糕、bagels 同饮品，由于纹身工作进行中，所以唔可以太嘈吵，尽量保持安静啊~好适合静静地睇下书，享受下慢活。虽然我系平日到访，但系全场都坐满晒呀，要去嘅话建议早少少🤏LOTUS BISOFF CHEESECAKE 焦糖饼芝士蛋糕$48香浓嘅芝士蛋糕配搭lotus 饼同埋焦糖酱，好邪恶啊，口感有层次～另外仲好想试蜂蜜蛋糕🍰可惜我去得晏已经卖晒，唯有下次再试。HOJICHA LATTE 日本焙茶鲜奶$45焙茶味非常浓郁，充满日式风味，配搭鲜奶又顺滑，重点唔会好甜～EIN SPANNER 维也纳咖啡-奶啡底 $50好少饮到呢一款咖啡，咖啡浓，同上面嘅奶油都几配合。