今年父親節想帶爹哋品嘗特別一點的美食，一於一家人過大海覓食去！中午可以一嚐地道葡國菜及澳門特色小食，晚餐更可以做豪客，大吃紅燒翅、雞煲翅，因為澳洲食翅比香港平得多，見不少食評都讚澳門食店的魚翅貨真價實，這餐食得豪一點也值得。
（Cover photo by 西門町大惡男）

(Photo by pink324)
粵菜老字號 陶陶居
有70年歷史的陶陶居是粵菜館的老字號，不少人訂位一定預訂多道招牌菜，包括香脆不油膩的金錢蟹盒、香嫩入味的八寶霸王鴨以及落足料的雞燉翅，瓦煲盛載著奶白色的湯底，浸著一梳一梳的翅，試過的食家都讚足料而且味道好。
pink324：古法雞燉翅：真係好足料，個湯濃得黎又唔會太杰～真係夾得起架～食完唔會太漏～咁既價錢咁既質素認真唔錯!!
覓食達人：d翅真係好粗架!!之前我帶男朋友來食，可能得我地兩個食喇，佢竟然話未試過食翅會好似食麵咁食架！證明係有幾多翅呀!!

(Photo by 西門町大惡男)
馳名雞煲翅 李康記海鮮酒家
澳門另一中菜老店李康記，亦是以傳統手藝的粵菜馳名，由家常小菜到鮑參翅肚菜式也做得出色，例如清蒸豆腐、燒乳鴿、炆魚腩及雞煲翅，其出品的翅很有保證。
西門町大惡男：又說雞湯翅，小碗盛著的梳翅，雞湯底清鮮美味，梳翅很彈牙，分量方面絕不欺場。
米雪小姐：佢d翅好正，當然價錢亦都有番咁上下。不過用料都算足！

(Photo by ysalsl)
菜式多變 六棉酒家
六棉酒家的菜式以花樣多變見稱，更曾於99年獲得法國美食大獎，獲不少名人捧場，鮑翅出品尤其出色，杏汁豬肺湯、鮑魚和瓦罉雞煲鮑翅都很受歡迎，不少食家都讚賞菜式貨真價實。
daniel3388：招牌瓦罉雞煲鮑翅同樣絕不欺場，一份半之份量足夠一行八人享用。翅身乃中價勾翅，湯底用上老雞、火腿、赤肉及翅骨在瓦煲中熬製而成，鮮甜至極。
ysalsl：Particularly, their shark's fin is a great value. With eight of us, our giant bowl of fin boiled with chicken had eighteen katties worth of shark's fin- simple but very well done.

(Photo by 為食不甘後人)
足四両 阿三靚翅
主打平價靚翅的阿三，標榜每窩用足四両翅炮製，份量足有6碗，雖然食店裝修不如大酒樓般堂皇，但菜式真材實料，留住不少熟客，除了魚翅，古法雞蛋焗魚腸、蝦籽柚皮等傳統菜式也有供應。
Small Fat Sheep：The soup was excellent with a strong chicken and a little sweet in flavor, which is with a very good mixed with the shark-fin.
為食不甘後人：那我比較喜歡紅燒翅了，雞湯很甜，但味道很單薄，半隻鮮雞仍很完整，肉不太鞋，泰半鮮味仍在。

(Photo by conniecheung )
平食之選 添發碗仔翅美食
這間去買手信會順道光顧的小食店，賣的雖然是碗仔翅，但也加入了散翅，質素當然與上述的粵菜館無得比，但最平的竹笙雞絲碗仔翅賣$20、海參魚肚煲仔翅賣$50，不少人都來慕名而來一嘗。
小豬同學：豪華碗仔翅$30 一碗，是家中普遍用開的飯碗般大!魚翅亦算多，比起酒樓食開的已相差很遠了！$30一碗絕對超值！
conniecheung：我們等左半小時左右，d翅來了，嘩，熱辣辣還在滾的，好熱呀，等左一陣先食得，好多料，有雞絲、竹笙、海參，好大塊魚翅呀，d翅好好味，好爽口彈牙，竹笙都好好味，好爽好入味，食完呢碗翅真係會出晒汗的，不過45元有咁多料又幾大碗真係好抵食。