新波爾圖 (已結業)

同長輩去威尼斯人玩完老虎機，未到晚飯時間就去左食野，去旅行不定時猛食是常識吧！唔洗搭車，威尼斯人行到過去官也街，半個鐘左右。呢間餐廳主打唔係豪華，有葡國風格嘅拱型裝飾牆做裝飾，環境都幾舒服。有餐有散叫，餐入面無長輩想食嘅野，咁就散叫啦，其實價錢唔差好遠。葡式白酒燴蜆 - 好香酒嘅甜味，帶出蜆嘅鮮味，好食！原條龍脷柳 - 乾，點醬食還可以。招牌血鴨 - 好燶鴨味，肉質都唔錯。價錢係旅遊區算中路，近近地唔搭車嘅葡菜選擇。

嚟到澳門除咗博彩外，梗係嘆地道美食啦！但係澳門地道(葡式)美食有平有貴，唯有喺開飯啦!apps摷吓，結果揾到呢間經濟實惠嘅地道食店，本來係去地堡街總店，但係滿座，職員就pass我和太太往一街之隔嘅呢間新店，但係一樣多人，都要等十分鐘才能入座，睇到餐牌有好多推介菜式，但一心想試葡式燒乳豬及血鴨，便點了燒乳豬飯、招牌血鴨、芝士焗生蠔三隻、馬介休芝士撻(小)一個，特别推介燒乳豬飯，皮香肉嫰，飯香軟熟，幾乎每檯到叫， 如果唔點呢樣就真係笨啦！ 其他食物質素高味道好！ 咁多嘢加埋都係三百五十蚊， 包在香港食唔到！( 剩係血鴨都唔止啦)