影片
更多
2013-09-18
10026 浏览
黎左澳門半年, 只係第二次食貴野, 兩次都係公司埋單。第一次就水佬榮, 都要約$480一位, 好食但太貴, 性價比低, 自己畀錢真係唔會去。呢間自助餐要成 $488+10%=$536.8, 性價比仲低過水佬榮好多! 有人請都會建議去第二間! 咪鬼好似呢次咁浪費左免費食貴野既機會!一心諗住四季酒店既自助餐, 貴就預左, 貴D冇所謂, 質素點都有保證先, 睇相都有龍蝦食先, 但估唔到食物質素竟然係中下! 我都有失策, 訂位時無問主題, 見到D食先知原來係"味遊中東", 竟然存在中東菜自助餐!!!!先讚一讚先, 環境、服務、衛生真係一流, 真係有5星酒店水準, 後庭都好鬼靚!刺身就唔知, 因為我唔食生野, 同事就話好食...有蟹腳同龍蝦食! 蟹腳味道同質素OK, 竟然無較剪! 得核桃鉗點食呀? D蟹腳殼林架! 就係咁我就練成左徒手拆腳大法! 咬住大腿中間, 屈斷小腿, 手指渣大腿中間, 咬頭咬尾, 最後用筷子由窄果邊入, 一推就成條蟹柳出黎! 至於龍蝦, 呢種冰凍食法根本唔掂! 本身龍蝦味濃有彈性, 但都食唔到鮮甜味, 反而覺得有點鞋, 味道寡, 不吃也罷, 都係喜歡熱辣辣芝士焗或上湯燴!
一心諗住四季酒店既自助餐, 貴就預左, 貴D冇所謂, 質素點都有保證先, 睇相都有龍蝦食先, 但估唔到食物質素竟然係中下! 我都有失策, 訂位時無問主題, 見到D食先知原來係"味遊中東", 竟然存在中東菜自助餐!!!!
先讚一讚先, 環境、服務、衛生真係一流, 真係有5星酒店水準, 後庭都好鬼靚!
刺身就唔知, 因為我唔食生野, 同事就話好食...
有蟹腳同龍蝦食! 蟹腳味道同質素OK, 竟然無較剪! 得核桃鉗點食呀? D蟹腳殼林架! 就係咁我就練成左徒手拆腳大法! 咬住大腿中間, 屈斷小腿, 手指渣大腿中間, 咬頭咬尾, 最後用筷子由窄果邊入, 一推就成條蟹柳出黎! 至於龍蝦, 呢種冰凍食法根本唔掂! 本身龍蝦味濃有彈性, 但都食唔到鮮甜味, 反而覺得有點鞋, 味道寡, 不吃也罷, 都係喜歡熱辣辣芝士焗或上湯燴!
係我錯...... 唔知中東菜做主題, 我相信都唔係咁多香港人識欣賞, 包括我...... 連湯都係無味中東湯, 陰公...
最後希望當然係甜品啦! 選擇係多, 但花款化都係由幾款大同小異咁變出黎, 味道OK既..... 如果有熱蕃薯糖水暖暖胃就好, 因為食左好多蟹腳
整體而言, 咁貴價錢唯一吸引既食物就係龍蝦, 但係龍蝦味道不吃也罷, 同埋無生蠔... 唔食龍蝦, 香港龍堡酒店綠茵閣埋單只需 $307都差唔多或好過佢, 同埋有生蠔食添! 所以話鳴詩係性價比極低!张贴
