芝士工坊 (已結業)

第一次去澳門透過窗望到咁多芝士流心撻...已經好想買個黎試下...但岩岩先掃完街...好飽...所以就同自己講...下次去澳門要留肚食下！ 係咪睇外相已經好吸引呢！😋😋😋😋拎上手個陣仲熱辣辣 好香...食落好濃好濃既芝士味... 好流心..一唔小心就好易食到周圍都係... 一個人食我覺得會好'漏'...建議都起碼要兩個人先好食！ 如果唔係就食唔落其他野！ 價錢好似差唔多$20.. 如果係芝士控真係值得一試呀！！

喺附近食完午飯，其實都唔係特別肚餓， 咁冇得唔食啦自稱係澳門第一間專賣芝士產品嘅蛋糕麵包店，供應三款味道嘅撻：芝士流心撻、抹茶撻、朱古力撻，另有泡芙、芝士蛋糕等，定價同香港差唔多。芝士流心撻 $19.9芝士撻並非剛出爐，我諗味道點都會有少少影響。芝士味食落並唔濃郁，流心效果唔太明顯，比較似係「半熟」口感。相對香港食到嘅芝士撻點都有啲差距~可放入雪櫃凍食/放入微波爐加熱15秒食用，咁我係遊客，當然只能夠選即食。千層年輪流心芝士蛋糕 $25朋友點嘅年輪芝士蛋糕，佢直頭話唔好食…賣相有少少似我之前食過嘅【不是葡撻】，食落又唔酥又硬身，仲要貴過我嗰件幾蚊…泡芙 $10整體黎講只能講係普通。