南翔饅頭店 (已結業)

同外父外母一齊去梳打埠玩，住百老滙酒店，呢度d建築群好似帶你返左上海灘個年代，樓下有條食街，由我發板試下岳父大人最喜愛的上海小籠包。入到南翔饅頭店，叫左一籠小鮮肉、一籠蟹粉。小籠包果然有水準，你睇d湯响個包入面𠺘𠺘下，汁多到當湯飲，而且個湯仲係熱到盪口！皮薄唔易穿，確係小籠包至高境界！可惜蟹粉鮮味不足，真係食唔出同鮮肉有咩分別。再黎上海炒飯同埋菜肉大餛飩，炒飯用左豬腩肉砌成小片，令炒飯更惹味，但略嫌唔夠乾身。大餛飩苟菜香氣四溢，而且餡料夠飽滿，配紫菜湯味道非常夾。