馬慶康南天咖啡室

营业中

休息中

久違黎到澳門，就黎排隊食呢間出名西多嘅馬慶康🇲🇴。雖然佢唔似新鴻發嘅厚多士咁厚 但visually佢都唔輸架！面頭鋪滿朱古力脆脆同煉奶 真係好香 不過對上一次食都唔覺佢入面係夾芝士。。 個腦一直以為係花生醬嘅我就少少失望了🤥 。真心講面頭嘅野好好食！好啱打卡 但係入面變咗係芝士。。。就唔係好夾。。。 (之前好食好多☹️☹️🦛滑蛋炒牛河 外貌上十分吸引！ 不過其實就係多隻炒蛋嘅乾炒牛河😂😂味精偏淡 牛偏韌🦛咖哩牛腩菠蘿包🍔佢嘅咖哩牛腩菠蘿包好好食！入面夾咗太陽蛋 一咬爆汁 炆牛腩嘅咖哩又香 牛腩又好淋🤤🤤呢個咸甜嘅配搭 更值得試！！

星期六嘅下午來到呢間已經有好多人推薦過嘅茶餐廳，我地一行3人，試下最出名嘅樽仔奶茶同西多脆脆！我地一坐低，已經完全唔洗望餐牌就order左3支樽仔奶茶同一件西多脆脆。點知，店員話樽仔奶茶已經得翻最後一支，一早賣清光啦結果我地當然要埋最後一支樽仔奶茶，另外再叫多兩杯阿華田脆脆紅豆冰首先講樽仔奶茶，果然名不虛傳奶茶非常幼滑，茶味香濃，有微微澀味；奶亦都非常香滑，奶同茶嘅比例調配得天衣無縫，兩者平衡得好好，真係好好飲，好回味阿華田脆脆紅豆冰都唔錯，紅豆份量足，上面嘅脆脆令成杯飲品口感更豐富，同軟身嘅紅豆形成對比，不過我覺得成杯野略甜，整體都係樽仔奶茶好飲d。最後出場嘅就係期待已久嘅西多脆脆啦！一上枱當然係相機食先。半溶嘅牛油響厚厚嘅阿華田脆脆上面，下面就有幾吋厚嘅西多士，見到已經覺得正！點知切開，居然有半溶芝士，花生醬，煉奶一次過湧曬出來！！果種澎拜令我已經即刻忍唔住食曬，相都唔記得影...... 甜甜鹹鹹嘅味道混埋一齊不但無混亂嘅感覺，而且好match好正，響個口入面好有層次，雖然非常邪惡，不過我地響幾分鐘內已經好快食曬下次去澳門，一定會再來