晃記餅家

营业中

休息中

20-7-2024（Sat）女同事PM去澳門為佢亞叔賀壽，問我要唔要樂宮曲奇餅？我答唔要，要鉅記杏仁餅。佢話邊有人買鉅記？我答咁咀香園？佢又擰頭。佢又問我食唔食鳳凰卷？呢個我冇興趣。咁晃記嘞啦，喺氹仔。佢就話買肉切酥。肉切酥？咩嚟？佢答係南乳味嘅小食。我答好吖，幫我買。咁我就好奇，上嚟睇吓係咩樣？睇咗幾篇食評後，原來我喺2019年食過（嗰個食評係2019年8月2日刊登嘅呢篇：https://www.openrice.com/zh/macau/review/%E5%91%A2%E5%95%B2%E5%94%94%E5%A5%BD%E9%A3%9F-e3491266），嗰時都唔知呢隻叫做肉切酥，都唔好食。於是再睇有啲咩嘢食，我未食過加蛋餅，鮑魚酥同金錢餅，就問PM加蛋餅係咩嚟？佢答似好乾嘅光酥餅。咁唔要呢個同肉切餅lu，我請佢幫我買鮑魚酥同金錢餅啦。MP喺23-7-2024（Tue）返工帶俾我，我拎咗返屋企當晚都冇開嚟食，到前日（24-7-2024 Wed）至攞金錢餅食，佢冇標明最佳食用日期，只係話開咗後4日內食晒佢。睇見，感覺似日本嗰啲煎餅咁，呢個口感係實脆，蛋味濃郁，我諗如果用鹹蛋黃做

官也街是遊客必到的手信點，我喜歡到這些小店買手信，老字號必有原因。 長長的人龍排隊，可見是多麼的受歡迎。我們等了大概5分鐘，老闆都好快手好有效率，問完客人要甚麼，好有效率就取好，然後入袋！我們點了肉切酥（好香南乳味，好脆口，一盒有3條獨立包裝，好方便又唔怕走氣）紫菜肉鬆蛋卷：好多滿滿肉鬆，好香好有口感，脆脆蛋味香的蛋卷，配上紫菜，是最好食的！金錢餅：最愛的金錢餅，之前在潘榮記買，可惜無了，見這裡有，就點了回家食！合桃酥：男朋友要了這個，一排的，細細個剛剛好，鬆化香脆，好正！

去澳門，買手信成指定動作，通常都係杏仁餅。細細個的時候，爸爸媽媽、親朋戚友推介【X香園】。大概十多年前開始，多了一個新品牌【X記】，近年越做越大、分店越開越多，加上國內自由行的推動，以及凌厲的廣告宣傳，甚至有一齣電視劇的配合，已經成為澳門手信的龍頭大哥，更加是自由行必到的購物景點，除了杏仁餅之外，更推出了很多花款的手信食品。唯獨有一些老字號餅家，依然堅持傳統人手店內制作，既沒有中央工場，又只得一間總店，維持傳統之餘，也可以保證質素。當中最出名的就是【晃記餅家】這間創業已超過百年的老字號，尤其是登上了「2016年香港澳門米芝蓮指南」的街頭美食推介之後，更加越來越火紅。當然，部份本地中式食肆及專業食評人對於「米芝蓮指南」一向嗤之以鼻，認為「指南」所聘請的美食密探以西方人士為主，根本不懂得品評何謂美味及高質素的中式菜餚，但近年已有所改善，多了一些本地的食評人參與。姑勿論如何，獲得「米芝蓮」這頂冠冕，對於食肆肯定只有好處。去到【晃記】門口，已經有一條小小的人龍，整條官也街也只有這店子有人排隊。說實在話，講客人數量，可能及不上同街的【X記】、【X香園】，但由於店舖細小，即制造了排隊效應。店舖門口