富仕葡式美食

营业中

休息中

每次嚟澳門都一定要嚟富仕，今次都唔例外! 佢嘅鮮忌廉薯蓉焗馬介休同埋富仕燒雞釀飯係我至愛，勝在每次都保持到水準鮮忌廉薯蓉焗馬介休：第一次見到佢嘅時候，覺得個賣相好靚，靚到好似櫥窗模型食落薯蓉幼滑，好creamy，帶少少馬介休嘅咸香味，仲食到一絲絲魚肉，而且每次都係即叫即整，熱辣辣更加perfect...令人一試就愛上可能太耐無嚟，唔知幾時開始分咗 L / S size...今次唔覺意叫錯細size，有少少唔夠喉嘅感覺。富仕燒雞釀飯：去咗骨嘅雞仔大細適中，人少少都唔怕食唔晒雞皮燒得脆口，無肥雞脂肪，好放心一啖一啖連埋雞皮咁食。配合中間嘅西炒飯酸酸甜甜唔怕膩溫馨提示: 富仕舖仔細細，大家記得打電話book位呀

每次來到澳門都總會安排一頓葡菜, 因為總覺得來澳門不食葡菜, 總個旅程就好像不太完美。 每次試新葡式餐廳, 總會遇上不太合口味的菜式, 縱使有些味道不錯, 但不知怎的, 就是缺少了要再光顧的衝動。今次又花了不少時間去做功課, 最後選了這家。 聽說經常滿座, 所以特意預早訂位。 餐廳位置其實蠻好找, 下公車後走幾分鐘就到。第一次必定點餐廳招牌菜: 鮮忌廉薯蓉焗馬介休和燒雞釀飯。鮮忌廉薯蓉焗馬介休熱辣辣上檯, 口感creamy, 忌廉薯蓉味道雖偏淡, 不過配上馬介休的鹹味, 整體不錯。燒雞釀飯這個是針對男友喜好而點的, 因為有飯有雞, 老實說,個人起初其實不太感興趣, 不過一啖改觀。 燒雞不是太大隻, 兩個人食其實只是剛好。 雞去骨再釀入茄汁炒飯, 雞皮好薄好脆, 飯的味道有淡淡茄汁味, 不會太乾, 比較濕潤但又不會太軟, 入面有雞絲肉, 雞肉沒雪味, 整體很嫩滑, 亦能保留肉汁如果雞絲肉可以多點就更完美了! 其實這個雞味道整體不是好濃味, 但卻意外地令我這重口味人士一試愛上。 連對葡菜沒好感的男友都讚好, 至少他不排斥再來。今次暫時是我們嚐過最滿意的葡菜, 下次一定會再來。

過大海辦點事，2點幾食午餐、跟住食雪糕，6點又食晚餐，食咩呢?妹子提議去雀仔園附近食葡菜，又好啫，好耐無食萄菜嚕。去到未夠鐘開門，在外邊長凳坐住等，差不多夠鐘就可以入去坐，店面細細，樓下大約可坐20人，樓上唔知有幾大嘞。因為一路keep住食嘢同飲嘢，大家都唔肚餓，目標為本，就點人氣的鮮忌廉薯蓉焗馬介休，同埋富仕燒雞釀飯，諗住食完叫返個木糠布甸，最後因為太飽無叫到。兩種食物都要焗，所以要等一些時間，但係每枱必點呢兩樣。等待期間欣賞吓牆上掛畫，傾吓謁都唔錯架。先來個鮮忌廉薯蓉焗馬介休香噴噴上桌，顏色有點金黃，用湯匙搯出一角，馬介休香味即時飄溢於空氣中，食落淡淡魚香，味道適中，口感creamy順滑，一人一啖，一口接一口，好快就KO曬成碟囉。正!富仕燒雞釀飯一上來店員就把它開背，翻開來發現最考功夫係去骨，如何脊柱和胸骨去掉而表皮保持完好呢?雞烤得皮脆肉嫰，好好食呀！飯粒有點濕，茄汁味較重，食味OK啦。好快滿坐架，外面已經有人等位。

一路以來都想試,今次終於試到喇!果然冇令我失望,燒雞釀飯,飯是西炒飯,所以冇咩特別,但隻雞炸得好脆,好好食,又唔干.葡式炒蜆,$60隻隻大大隻,又唔會得個殼,好有酒味,D蜆又新鮮,好有蜆味.正!最後,叫左好多人必食嘅,鮮忌廉薯蓉焗馬介休,忌廉薯蓉味唔錯,馬介休都幾多,不過馬介休味唔太噥,淡左D.令外,以我所見,鮮忌廉薯蓉焗馬介休出來嘅水準有時都幾大分別.我地果個就好有水準.完滿地完成我在澳門之旅嘅最後一餐!下次一定會再來幫襯!