中國名粥 (已搬遷) 新店位置

每次来到澳门，水蟹粥是必吃之物，而名气老店「诚昌」，他们的蟹粥水准每况愈下，蟹还蟹，粥还粥，毫无鲜味可言！从杂志得知，澳门沙梨头水上街市的一楼有间粥店，它可以帮食客加工海鲜料理，「中国名粥」就是具有这天赋位置，地下是鱼贩海鲜摊档，上楼就可以煮来吃，而老板夫妇也会建议最佳的烹调方式，确保食材的鲜醇味道！多次踏足澳门，从未试过晨早去街市买海鲜，我们在楼下街市买了象拔蚌和鲍鱼，交予老板加工，另外再点了水蟹粥和热奶茶。在专心等食期间，老板娘端上一小珵茶壶和盛有花奶的水杯，原来这是冲调奶茶的工具，好让食客自己炮制一杯醇滑的热奶茶，颇为新鲜！奶茶茶香醇滑，但略嫌花奶太多，奶味过重，但这毕竟是自已冲制的热奶茶，总是觉得味美！象抜蚌和鲍鱼上场，两者都是用蒜蓉粉丝去蒸，海鲜只要新鲜，就算没有特别的烹调技巧，已经觉得鲜味！终于等到主角出场，水蟹粥一大窝的端上台，心想：这么大的一个砂窝，两口子恐怕会食剩...热腾腾的粥，上面洒上芫茜和葱段，水蟹本身鲜甜，另加瘦肉去煮就甜上加甜，那鲜甜度在口腔久久未散。而且粥底杰身，米香味浓，超越了一般大排档、酒楼的水准，这店不愧是煮粥老手。一大窝热辣滚烫的水蟹粥，转眼就给我俩清掉，极为满足。此餐消费只是四百多元，平贵与否乃属见仁见智，但在我而言当然是物有所值！与老板夫妇的对话期间，感受到他们这份淳朴道地的情怀，他们用心的烹调，得到不少老顾客的支持！ 继续阅读

总是不舍得错过的完美蟹粥 - 中国名粥澳门要找特色美味的餐厅多的是，但每次来到我俩总是不舍不去沙梨头临时街市去吃蟹粥。星期一关系人不多，来的都是澳门熟客，老板两公婆依旧热情，对特登由香港抽空来街市吃粥的我俩特别照顾。现在粥店已于早上入定膏蟹，不用再自己落街市找，但一场来到就外带加料买多六只大海虾做加工。蟹粥要了半锅，蟹连粥底加工及少少瘦肉约$170左右，味道还是依旧浓稠鲜甜，蟹膏混在粥底香得不得了是我俩吃过最美味的蟹粥，虽是半锅但每人都分到三大碗够哂喉，大满足。自来虾做蒜蓉煎焗大虾，虾背有心机地㓥开令材料更入味，入口蒜香肉爽，正这是的煎鱼饼是名物，我也忍不住早餐都叫枝大青岛，又香又脆佐酒一流。粥加鱼饼连大虾加工两杯奶茶及大青岛$300，吃了近十年依旧咁出色，只有下次再来支持老板既手势啦！ 继续阅读

〖2016-5月下旬〗时间：星期六，7：25am地点：沙梨头水上街市人物：键盘战士OneMan、潮流教主史提芬、刚刚收工的FC、未训醒的John任务：攻略本土鱼市场！传说水上街市楼上有得买海鲜上去加工，即买即蒸即食。听闻多时，但从未实行过一次。因为这个任务的难度实在是★★★★★★★★★★！要发动任务，首先要集齐以下条件：1. 早起，非常早。因为鱼档很早收工，很多鱼鲜卖完就冇2. 必须Call马，越叠马越好3. 这班马必须拥有在早餐吃九大簋的好胃口Bonus：当中最好有人识买海鲜同讲价想我长年宅于家中，偶尔会买菜，但买来买去果几味，话唔惊比人呃秤，就肯定是假的。不过我心想，山长水远去到韩国鹭梁津，去台湾基隆渔港，咪又系预左俾人㓥。依家大家话晒澳门人，就算唔锡住，都至少可以用广东话讲下价。所以当几天前好友FC讲起「今个礼拜收早，可以去同你打任务」时，仲唔轮到我飞云机会来鸟？！随即打蛇随棍上，拉埋朋友圈中仅余的两位愿意早起的史提芬和John。虽然前夜John突然传来一个短讯，话「乜依家唔系休渔期咩？」，真是惊呆了我这小伙伴，但是，难得够脚，唔系唔去下话？于是我当日晨早七点几就出现在街市内，仲早过番工。其实那时鱼档才刚刚开始摆阵，有意攻略的朋友，8点几9点过来也ＯＫ。战场就在这里！早上七点几就已经有不少勇者在进行采购。水上街市最热闹的时段在9-10点左右。那些连街市都唔敢入的少爷小姐们，Sorry，呢个任务你高攀不起。街市内到处都是血肉横飞的景象，被鱼血颜射是90%会发生的事件。就算避得开，沿途都会有唔少身首异处的画面招呼你，仲刺激过玩Biohazard。和史提芬行了个圈。身为潮流教主的史提芬果然一眼睇中场内最多特别嘢的一档。蛏子王好大只，睇见都心动。我攞左最少的一扎，后来被食店老板告知其实可以拆开逐条拣逐条买⋯⋯（OneMan战士经验+10，自尊-100）。见旁边条鳝即使被腰斩了都生猛地扭动著，事头婆话是鳝王。唔系讲笑，仲粗过我只强劲ge臂弯！从没见过咁大碌的鳝！！Mop8一两，这里就是Mop200！但人一世物一世，就试佢一嘢。路过蚬档，又想炒碟蚬。一问事头婆「边只冇沙架？」，已经暴露左我经验值低的一面。事头婆：「只只都冇架！」⋯⋯咁我又未至于智障到相信呢个美丽的谎言。沙白肯定冇沙，但我本身唔系好钟意食沙白，硬系要拣旁边那种白蚬。结果被食店老细话「呢只有沙㖞，炒唔到㖞！应该买白色那只嘛。」⋯⋯（OneMan战士经验+10，自尊-200）路过蟹档老细好落力咁sell，见佢咁靓仔，又摆晒Pose咁，唯有帮衬两只生猛海蟹。买到差不多了，就直上二楼的熟食档。其实只有两家熟食档，今次帮衬的是后方这家。厨房门口放著一个好型棍的营业时间牌匾。拿著一袋二袋海鲜，无上装的性感肥佬老细即刻走过来，睇下我们买了什么。「蛏子呀？蒜蓉粉丝蒸！蟹一系煮粥，一系炒⋯⋯哗，旧鳝咁靓，一于豉椒蒸！呢只蚬惊有沙，唔炒得㖞，不如蒸左佢，边只唔开就唔好食啦⋯⋯」老细好多主意，完全唔需要担心。问佢加工费几多钱，事头婆即刻话：「好平架，街坊生意！」⋯⋯咁即系几钱呢？「街坊」又是一个怎样的数学单位？其实到埋单的一刻佢都唔会话你知。不过，如上文所言，出国去鱼市场咪又系咁冒险，就算要呃，顶多都系几十蚊之内的事。蒜蓉粉丝蒸蛏子王MOP135＋加工费MOP48一大盘上桌，即刻威尽成个二楼！在这里吃蛏子王真是比较抵。在小炒店吃一盘的话，可能没这么多，但至少都要MOP200以上。清蒸出来的，没有什么调味上的技巧，吃的就是新鲜海鲜的甜美！略嫌蒸得过火了一丁丁，有勇者要吃的话记住提醒老板注意火候。据说粉丝底要加MOP10，但这十蚊绝对值得。粉丝吸收蛏子的精华后，极其鲜味，乐而忘返。豉汁蒸鳝 MOP200＋加工费MOP35有请今餐最贵的项目，鳝王陛下出场！！！好肉地！超、大、碌！！！简直是一块厚切鱼扒！大口咬落去，鱼油随即渗出，肉质爽弹，啖啖都是肉，爽皮程度爆晒灯。本年吃过的鱼中，这一条都叫难忘！一斤多的鱼，每人分到2大块，因为油份极高，所以好饱肚呀！姜葱炒蟹MOP90＋加工费MOP38蟹本身不大，肉也不是很多，但胜在新鲜，肉质很鲜甜！而且在家整蟹有些麻烦，在这里加工都几抵。蒜蓉粉丝蒸白蚬MOP36＋加工费MOP48因为有沙不能炒，于是拿去蒸，如果没开口的不能吃，但结果是每一只都开了。偶尔还是遇到少许沙，好在新鲜就是无敌，这一道也是鲜甜美味的。这里是一斤半的蚬，合指一算，加埋工要成MOP84，不便宜了！还是蒸贵价海鲜的ＣＰ值比较高！任务完成后的桌面，四条友，饱到连蛏子王都食唔落！痴线。讲紧几点？才刚刚9点正。买料连埋加工，所花费的总数是MOP630，即每人才MOP160有找。价钱算合理的，是不是街坊价，就见仁见智啦～总结一下这次即买即食的体验：1. 尽量买一些高价及较难在家处理的海鲜，围番起来比较抵2. 尽量Call马。蒸两条蛏子仔又系咁多钱，蒸一大碟都系咁多钱！3. 自备散纸，一开档就队张500出来一定会俾人问候4. 真．要叫一个识买𩠌的朋友一起去（Sor，我是唔合格的）5. 想炒蚬的话买沙白好了，唔好重复我的错误如果你真系唔识买海鲜，又好Ｌ想食海鲜餐，仲有个秘技，就系可以在一天前打电话叫老板娘帮手留货。不过咁，要同队友一起沿途买𩠌打怪被呃称，才能称为一个完整的鱼市场体验，买多几次就自然会升Level架啦～（望就系咁望）中国名粥澳门沙梨头海边大马路沙梨头临时街市1楼熟食中心6638 8569 继续阅读

jun 07, 14 (sat)..........去完码头接埋刚到埗嘅友人........继而坐的士嚟............4人来early lunch.........叫咗 :1) 腩汁菜胆 (mop48)-大大碟-菜胆爽脆又甜..........很有质素嘅菜-个腩汁又浓味-结合埋是很棒嘅组合2) 均安煎鱼饼 (mop58)-亚哥坐下即推介..........当然跟啦-哗唛成座山咁嘅.........真喺抵食-趁热食.........落咗唔少葱花同煎...........外表少挺............蘸伴来嘅喼汁食...........增添醒胃..........唔蘸就清d.........适合唔爱浓味嘅朋友-但鱼饼就薄身咗d..........如厚身番d会更佳3) 白灼沙白 (mop24+20)-这里嘅海鲜..........喺要落下面街巿𠮶层即买即煮............老板娘可带埋d客落去买............自己买好拎上去又得...........之后收+工费-我哋就派咗2个友人跟老板娘落去买-料$$$喺mop24.........+工费喺mop20 (因为只喺灼........所以会平的)-呢个鲜味到无得顶..........老板娘完全无overcook........只喺刚熟多少少-所以沙白d肉好嫩滑.........里面仲好多汁..........虽然唔喺涨卜卜肥美..........但都好鲜味-今餐我最like呢碟4) 豉椒炒蛏子 (mop90+48)-料$$$喺mop90.........+工费喺mop48-买咗8只蛏子皇.........每人食到2只-佢嘅豉椒唔同平时般惹味..........佢嘅味道比较老式...........豆豉味唔香.............反而果皮,葱蒜味比较出.........所以味道温和d........无抢到主角嘅味道5) 蟹粥 (mop97+48+80)-料$$$喺mop97.........+工费喺mop48...........另粥底mop80 (预咗我哋每人2碗)-超大窝..........又超热........粥内嘅热泡泡不断的卜卜吓-只+咗芫茜葱...........没+其他-我觉得佢个粥底有质素过只蟹........蟹未够肥美,又没有膏.......不过开饭都要讲食神.........当日街巿嘅货未够靓..........所以影响到个粥未够鲜甜-不过下次再食佢嘅粥.........叫佢预每人1碗都够了..........我好努力食咗好多碗粥6) 热奶茶 (mop8)-喺混合嘅茶叶..........浓度中规中矩.........但都好过隔离𠮶档嘅淡茂茂奶茶 继续阅读

两个人食佐四样野：腩汁菜胆、炸鱼饼、椒盐九肚鱼同埋奄仔蟹粥，个粥底真系好鲜甜同绵，奄仔蟹肉鲜甜。九肚鱼炸完出黎居然唔油而且好似鲜奶咁甜滑，外脆内软，另外两样都好好味！食佐咁多野,最后其实只系收佐$340 继续阅读