中國名粥 (已搬遷) 新店位置

每次來到澳門，水蟹粥是必吃之物，而名氣老店「誠昌」，他們的蟹粥水準每況愈下，蟹還蟹，粥還粥，毫無鮮味可言！從雜誌得知，澳門沙梨頭水上街市的一樓有間粥店，它可以幫食客加工海鮮料理，「中國名粥」就是具有這天賦位置，地下是魚販海鮮攤檔，上樓就可以煮來吃，而老闆夫婦也會建議最佳的烹調方式，確保食材的鮮醇味道！多次踏足澳門，從未試過晨早去街市買海鮮，我們在樓下街市買了象拔蚌和鮑魚，交予老闆加工，另外再點了水蟹粥和熱奶茶。在專心等食期間，老闆娘端上一小珵茶壺和盛有花奶的水杯，原來這是沖調奶茶的工具，好讓食客自己炮製一杯醇滑的熱奶茶，頗為新鮮！奶茶茶香醇滑，但略嫌花奶太多，奶味過重，但這畢竟是自已沖製的熱奶茶，總是覺得味美！象抜蚌和鮑魚上場，兩者都是用蒜蓉粉絲去蒸，海鮮只要新鮮，就算沒有特別的烹調技巧，已經覺得鮮味！終於等到主角出場，水蟹粥一大窩的端上檯，心想：這麼大的一個砂窩，兩口子恐怕會食剩...熱騰騰的粥，上面灑上芫茜和蔥段，水蟹本身鮮甜，另加瘦肉去煮就甜上加甜，那鮮甜度在口腔久久未散。而且粥底杰身，米香味濃，超越了一般大排檔、酒樓的水準，這店不愧是煮粥老手。一大窩熱辣滾燙的水蟹粥，轉眼就給我

總是不捨得錯過的完美蟹粥 - 中國名粥澳門要找特色美味的餐廳多的是，但每次來到我倆總是不捨不去沙梨頭臨時街市去吃蟹粥。星期一關係人不多，來的都是澳門熟客，老闆兩公婆依舊熱情，對特登由香港抽空來街市吃粥的我倆特別照顧。現在粥店已於早上入定膏蟹，不用再自己落街市找，但一場來到就外帶加料買多六隻大海蝦做加工。蟹粥要了半鍋，蟹連粥底加工及少少瘦肉約$170左右，味道還是依舊濃稠鮮甜，蟹膏混在粥底香得不得了是我倆吃過最美味的蟹粥，雖是半鍋但每人都分到三大碗夠哂喉，大滿足。自來蝦做蒜蓉煎焗大蝦，蝦背有心機地劏開令材料更入味，入口蒜香肉爽，正這是的煎魚餅是名物，我也忍不住早餐都叫枝大青島，又香又脆佐酒一流。粥加魚餅連大蝦加工兩杯奶茶及大青島$300，吃了近十年依舊咁出色，只有下次再來支持老闆既手勢啦！

〖2016-5月下旬〗時間：星期六，7：25am地點：沙梨頭水上街市人物：鍵盤戰士OneMan、潮流教主史提芬、剛剛收工的FC、未訓醒的John任務：攻略本土魚市場！傳說水上街市樓上有得買海鮮上去加工，即買即蒸即食。聽聞多時，但從未實行過一次。因為這個任務的難度實在是★★★★★★★★★★！要發動任務，首先要集齊以下條件：1. 早起，非常早。因為魚檔很早收工，很多魚鮮賣完就冇2. 必須Call馬，越疊馬越好3. 這班馬必須擁有在早餐吃九大簋的好胃口Bonus：當中最好有人識買海鮮同講價想我長年宅於家中，偶爾會買菜，但買來買去果幾味，話唔驚比人呃秤，就肯定是假的。不過我心想，山長水遠去到韓國鷺梁津，去台灣基隆漁港，咪又係預左俾人劏。依家大家話晒澳門人，就算唔錫住，都至少可以用廣東話講下價。所以當幾天前好友FC講起「今個禮拜收早，可以去同你打任務」時，仲唔輪到我飛雲機會來鳥？！隨即打蛇隨棍上，拉埋朋友圈中僅餘的兩位願意早起的史提芬和John。雖然前夜John突然傳來一個短訊，話「乜依家唔係休漁期咩？」，真是驚呆了我這小夥伴，但是，難得夠腳，唔係唔去下話？於是我當日晨早七點幾就出現在街市內，仲

jun 07, 14 (sat)..........去完碼頭接埋剛到埗嘅友人........繼而坐的士嚟............4人來early lunch.........叫咗 :1) 腩汁菜膽 (mop48)-大大碟-菜膽爽脆又甜..........很有質素嘅菜-個腩汁又濃味-結合埋是很棒嘅組合2) 均安煎魚餅 (mop58)-亞哥坐下即推介..........當然跟啦-嘩嘜成座山咁嘅.........真喺抵食-趁熱食.........落咗唔少蔥花同煎...........外表少挺............蘸伴來嘅喼汁食...........增添醒胃..........唔蘸就清d.........適合唔愛濃味嘅朋友-但魚餅就薄身咗d..........如厚身番d會更佳3) 白灼沙白 (mop24+20)-這裡嘅海鮮..........喺要落下面街巿嗰層即買即煮............老闆娘可帶埋d客落去買............自己買好拎上去又得...........之後收+工費-我哋就派咗2個友人跟老闆娘落去買-料$$$喺mop24.........+工費喺mop20 (因為只喺灼

兩個人食佐四樣野：腩汁菜膽、炸魚餅、椒鹽九肚魚同埋奄仔蟹粥，個粥底真係好鮮甜同綿，奄仔蟹肉鮮甜。九肚魚炸完出黎居然唔油而且好似鮮奶咁甜滑，外脆内軟，另外兩樣都好好味！食佐咁多野,最後其實只係收佐$340

澳門除了葡撻和豬扒包這些地道小吃外，水蟹粥也是遊客必吃的美食，因為這裡的蟹生長於珠江和南中國海鹹淡水交界，所以蟹味特別鮮甜。雖然澳門很多餐館都有這個招牌粥品，但不是每間都做得好，有些粥甜但沒蟹味，有些則鹹死人不償命，一直都找不到滿意的水蟹粥，直到有網友介紹這間「中國名粥」，一試難忘。因水上街市重建關係，這粥檔搬到了臨時沙梨頭街市，距離十六浦酒店約五分鐘路程。如乘的士的話，建議大家認認路，因為眾所周知澳門的士大哥都很有性格，黑面、兜路、拒載實屬常見，更「有禮貌」的會中途讓你下車，說什麼『前面就係，車行唔到入去，自己行幾步！』，但事實是司機大哥行錯路，又不想往回走！我們這次就是這樣被兜路後再被耍下車的幸好惡人認到路，帶我們一直走了數分鐘，成功到達目的地。大家也認著下面的招牌吧，上樓梯後左手邊直走便會看到熟食區。但要注意，裡面分了兩檔，你一進去便會有人拉著你要為你安排座位，不要理會，直走到尾找老闆娘便可。來這裡有幾樣餸是必吃的，首先是【腩汁菜膽】，菜膽鮮嫩爽脆，連不愛吃菜的惡人也讚不絕口【柱侯牛腩】牛腩炆得軟腍入味，沒半點牛羶味【煎魚餅】魚餅煎得金黃香脆，惹味而不油膩因同行長者對蟹敏感，所以

又到澳門，當然其中一餐到這兒吃是基本行程了，但要提提大家，之前的地址水上街市已拆遷了，為了讓大家知道新地址在哪，一於再寫一篇支持這間小店﹗ 這兒的蟹粥及海鮮小炒加工均做得極好極美味﹗小店已由沙梨頭的水上街市，搬了到再往前行五分鐘左右的臨時沙梨頭街市﹗澳門唔熟既朋友，我梗係叫你地搭的士啦﹗市政廳唔洗跳錶，碼頭過來都唔洗$30﹗如你想行去的話，先搵十六浦酒店，再沿隔離停車場的方向直行五分鐘便可見到水上街市了，在門口便有指示牌教你去新的臨時街市。要多謝澳門的FACEBOOK網友協助，特意在之前幫我去睇睇咩環境同搬左去邊，今次先可以來啊﹗去到當然是先搵左「中國名粥」先啦﹗嘩﹗地方清潔了不少，有香港街市熟食中心的味道，有冷氣，與之前的地踎感覺完全唔同﹗地方細了不少，現場所見只有八張四人檯，仲要同之前水上街市既麵檔SHARE。網友們記住，入面那間先係我介紹的中國名粥呀，出面那間只是麵店吧﹗嗱嗱嗱，記住來到先同老闆娘打個招呼，問下佢今日有咩海鮮靚，仲有冇粥，假日來到更加要問清楚，佢地尐靚粥好早賣哂架﹗這天我們十一點到達﹗仲有得食﹗見不見這圖的相片，左手邊一列的相片全部都係抄我個BLOG的，老闆娘竟找