夜光杯餐廳酒吧

营业中

休息中

一行六人到澳門遊樂，夜晚我提議到皇朝懷古一吓，最後來了夜光杯﹗唔睇番食評都真係唔記得原來對上兩次都係來夜光杯，仲寫埋食評。重新裝修了，門口是一排一排露天的小木枱。明明海邊很大風，不知怎地入到來焗到不得了，門外的大柱將海風擋住，搞到唔通風，真係唔裝好過裝﹗點了Sangria，與以前相比真係差得太遠，啖啖藥水味，我自己o係屋企用紅酒加果汁溝出來都無咁難飲﹔檸檬皮味道又苦又澀，真係唔落好過落﹗六個人各飲了一啖都變臉，又難飲又熱又焗成頭汗下最後只坐了十五分鐘便離開。也許這會是我到皇朝最後一次了﹗

在船屋吃過晚飯，就到了今晚我地個心諗住既重頭戲---睇煙花睇煙花都要搵個好地點，跳上的士問佢邊到可以又有野飲又可以看到煙花，佢就話係皇朝﹗記得上年都同友人來過呢間夜光杯，今次來到當然係貪佢0的位對正海皮，放煙花時看得清楚﹗要了杯健力士，happy hr $30一杯都幾抵飲。想說九點鐘紐西蘭的煙花代表同香港的真係無得比，最差係佢在市區不停放音樂配煙花，可惜0的音樂同煙花簡直係零關係，唔放好過放，0的煙花又斷斷續續，射一分鐘停兩分鐘，都唔知佢完未，差差差﹗最後失望而回﹗不關酒吧事，是煙花的問題吧﹗

去完法蘭度都仲未夠皮，一行四人仲想繼續玩，於是去左呢度玩骰仔12:00左右來到，全場差不多爆哂，好不容易找到張細枱仔飲緊sangria都費事再撞酒喇，全因有0的工友已經醉醉地，不過最後玩得興起都係叫左兩jug先肯走人﹗味道當然沒有得同法蘭度相比，不過人醉又wing時什麼也覺得沒有所謂﹗慘啦，玩到咁大，返到酒店兩個係咁嘔，嘔到有個朝早都仲嘔緊，全日無哂精神，這是玩大了之過呢﹗唔止咁少，我仲食左好多野，想睇下來呢度啦﹗http://hk.myblog.yahoo.com/smallsmalllin/article?mid=11925

門口有露天位坐，好有外國feel，可能因為大部份侍應都係講英文呱！！樓上二樓比較靜D，而且個view都好正，仲可以點埋洋燭，情侶必選！！食o左個好似飯粒o既意粉，不過．．．味道好淡！