影片
电话号码
+853 28751268
营业时间
今日营业
11:30 - 15:00
18:30 - 23:00
星期一至日
11:30 - 15:00
18:30 - 23:00
以上资料只供参考，请与餐厅确认详情
影片
相片
+113
相关文章
其實澳門除左葡國菜之外，中菜都其實幾出色，今次就黎到皇朝區的天潮，試下佢個佛跳牆二人餐。二人餐都幾豐富，包括有兩盅迷你佛跳牆、潮式海味煲、西蘭花燴黑豆腐同埋黃金翡翠炒飯。<迷你佛跳牆>佛跳牆湯底好清甜，應該已經吸收晒啲精華，材料都好豐富，包括有鮑魚、海參、花膠、翅、雞肉、瑤柱同杞子等，飲完都飽左一半。<潮式海味煲>海味煲首先要讚係份量極多，包括好多土魷同埋蝦乾，仲有花膠添同唔同種類的雜菇。而醬汁係蠔油底夠濃稠，所以可以掛汁包住晒係啲海味身上，令到味道層次更加豐富。<西蘭花燴黑金玉子豆腐>黑豆腐豆味特別濃，仲有少少焦香味，好似食緊芝麻糊咁，玉子豆腐質感亦夠滑，配埋瑤柱金菇芡令整個餸菜味道昇華。份量極多，基本上兩個人係食唔晒。<黃金翡翠炒飯>炒飯粒粒分明夠乾身，味道都幾香口。整體黎講，地方環境都好舒適，餸菜味道又唔錯，又夠足料。雖然今次食左二人餐，其實份量之多三個人食都夠，性價比唔錯。
继续阅读
從網上平台上買了兩份套餐，分別是干鮑一人餐和石鍋翅一人餐。兩份套餐都包含黃金翡翠炒飯和白灼時蔬。首先登場的是#石鍋金湯翅。這道菜以其豐富的湯底和滑嫩的魚翅製作而成，湯底金黃透亮，用來拌飯都能感受到魚翅的細膩與湯汁的滋味交融。另一套餐的主菜#乾鮑扣遼參 ，這道菜呈現出乾鮑和遼參兩道珍貴食材，搭配特製的醬汁，讓每一口都充滿了濃郁的海味。接下來是#白灼時蔬 ，新鮮的生菜在熱水中輕輕燙熟，保持了原汁原味，搭配一點醬油，簡單卻不失高雅。最後是#黃金翡翠炒飯 ，色香味俱全。飯粒粒分明，與蛋香、蔥花的搭配，形成了完美的口感層次。💰 石鍋金湯翅
💰 白灼時蔬
💰 黃金翡翠炒飯
💰 乾鮑扣遼參
继续阅读
仲記得第一次去澳門，食咗個佛跳墻，之後就贏咗錢，所以我每次去澳門，指定動作就係佛跳墻。今次揀嘅呢間系新派潮菜，好味得嚟，又唔會過於濃郁。 🍖我哋直接講佛跳墻，一人一盅，確保分配平均，而且非常足料，隻鮑魚大過個匙羹，海蔘好易咬開但保持爽脆口感，花膠就煲到超諗，入口可以化開嘅感覺。呢幾種海味一般本身系冇味，所以一定要靠個湯去帶出鮮既味道，呢個係雞湯嘅湯底就非常出色，鮮甜得嚟唔會油膩，仲有一件雞件，而且保持嫩滑。成個處理都非常出色。 🍖我哋點嘅係套餐同小菜，本來都諗住比較簡單，唔會喧賓奪主。點知都各有各精彩。先講我最鍾意嘅黑金玉子豆腐。初頭見佢個面系黑色，要為就係黑豆做嘅豆腐，點知攞起，有幾層，黑色白色梅花間竹，除咗視覺上靚，最重要系睇到師傅叫心機，一層凝結再放另外一層，系功夫菜嚟嘅。因為用沙煲上，外層有少少微焦嘅感覺，但係裏面非常嫩滑，黑豆同黃豆嘅味混埋一齊，唔可以好似顏色上咁清楚分出，但係就非常有豆嘅味道。 🍖潮式海味煲，有魷魚蝦乾花膠菇同西蘭花，配合埋蠔油汁底，好香，好易送飯。呢度要特別一提佢嘅花膠同上面提及過嘅佛跳墻花膠口感非常唔同，之前去已入化境，而家係相對有咬感，咁先至可以同蝦乾同魷魚達到一致性，又一個見到師傅嘅功力位。就係因為咁成個翡翠黃金炒飯咁大個都俾我一次過ko。 講真唔係成日過嚟澳門，所以食嘅餐廳，一定要諗過度過，今次又係一個我非常滿意嘅選擇。唔到你唔信，最重要系，返去嘅時候，荷包又係漲過嚟嗰陣時。
继续阅读
🌟黑金套餐$228🦀黑金龍皇灌湯餃(2只)有金箔作為點綴嘅龍皇灌湯餃，內餡係滿滿嘅🦀蟹肉同🦐蝦肉，鮮香味美非常足料，而湯汁香濃之餘，連餃皮都非常煙靭彈牙，值得一試🍲黑金玉子豆腐煲(1份)估唔到玉子豆腐係黑色㗎，香滑嘅豆腐被淋上瑤柱金菇芡，唔單止夠晒鮮味，仲夠哂營養添🍞黑金奶黃流沙包(2只)奶黃流沙包相信大家就食得多喇，黑金奶皇包唔知大家又食過未呢，👧🏻👧🏻澄澄洛洛最愛就係食奶黃流沙包啦，搣開個包就會見到金黃色嘅流沙餡，奶香奶香嘅味道甜而不膩，而且包皮夠Q彈，簡直係多重享受🦀黃金蟹肉炒飯(2份)金黃色嘅炒飯炒到粒粒分明，非常乾身又夠鑊氣，每一啖都食到蟹肉，真係齒頰留香🐚天潮醃螄蚶（另外點）潮汕特色美食之一嘅潮式生醃螄蚶，嚟到呢度梗係要試一試佢啦，生醃嘅醬油鹹鹹香香，而螄蚶爽脆鮮甜，忍唔住一個接一個咁食哂佢呀🐖天潮叉燒（另外點）厚切嘅半肥瘦叉燒被燒得微微焦香，入口油香匀稱，口感香口煙靭，👧🏻👧🏻澄澄洛洛都話好食呀😋如果你哋都想試吓正宗嘅潮洲菜，就記得嚟到澳門試吓呢間【天潮】啦
继续阅读
去澳門點可以吾食翅😍😍😍今日就去左位於皇朝區嘅天潮😋品嘗潮式石頭鍋翅✨朋友介紹喺美團或者大眾點評落單仲有優惠👉石鍋翅二人餐折左都只係406.9人仔😍好抵食👍👍👍👇石鍋翅二人餐包括👇石鍋翅兩位好大個鍋🤩係大碗size，燒熱咗嘅石窩嚟到仲喳喳聲熱騰騰✨保溫度十足😉一畢落去滿滿嘅魚翅, 係一梳梳嘅, 並唔係平時食嗰啲cheap嘢散修修😍😍😍淨係兩大碗足料魚翅呢個價錢都抵返曬啦😎魚翅滑溜唔在講，而且紅燒湯汁非常入味❤️加埋大量芽菜，超爽口感✨佐料仲有三款，紅醋芫茜同埋金華火腿乾絲, 可隨自己喜愛添加椰汁臘鴨荔芋煲以為有椰汁會好漏，食落足夠椰香味得嚟又唔怕好飽肚👏臘鴨好香，味道完全滲入去芋頭之中，可能太耐冇食潮州菜，有d耳目一新嘅感覺✨黃金翡翠炒飯簡單嘅蛋炒飯, 炒得粒粒分明🤗但係又唔會好乾👌拌以生菜絲一齊炒增添口感👏炒飯一人一個非常飽足套餐包埋油生菜兩份另外加點了一份黑金龍黃灌湯餃😊賣相好靚，打卡一流😍黑色嘅灌湯餃真係第一次食，上面仲有金箔點綴好矜貴🥰 灌湯餃好大隻， 咬落有鮮蝦同埋濃濃嘅海鮮味，連個湯都有好重鮮蝦味，鍾意食海鮮嘅朋友一定要試下😉
继续阅读
您可能会有兴趣的...