杏香園

营业中

休息中

媽子預印左阿穌介紹的餐廳LIST過澳門，一早預左搵呢間糠水店試下～一睇餐牌，每一樣糖水都要＄３０幾以上。心諗：好貴喎～不過，去旅行呢Ｄ位都一定會試架啦～我叫左［蛋白杏仁茶］：好清新，唔會好假既杏仁油味，蛋白仲好多添～媽子叫左［蓮子合桃糊］：好香，唔係死甜。妹子叫左［付足白果糖水］：成個碗底都係白果。好足料！老公叫左［雪糕涼粉］：ＯＫ啦～（老公話）

澳門兩天美食遊，食完晚餐當然要食宵夜啦！於是決定外賣杏香園既糖水同添發碗仔翅返去酒店慢慢嘆。我地叫左椰汁合桃杏仁湯圓($29)，味道唔錯。對湯圓既印象比較深刻，又甜又軟綿綿，正！但價錢的確比較貴……另外，因為返到酒店心急食，唔記得影相。

食完佛笑樓去左杏香園,媽媽叫左椰汁合桃杏仁湯圓,幾香合桃,杏仁的味,幾滑,我就叫左一碗蛋白馬蹄沙,好快就上左,好熱又大碗,馬蹄沙又唔會話好甜,幾清甜,蛋白又滑,一流.一碗30幾蚊左右,有少少貴,但係味道真係唔錯而且又大碗

另一必食店之選，一定是杏香園。以往每一次我都會煩惱到底吃馬蹄露、杏仁露或是合桃露。長大後就必吃蓮子白果杏仁露，雖然在香港都能夠在源記吃到蓮子杏仁茶，但杏香園的杏仁茶比源記更出色甜美，而且不會像源記般吃後覺口渴。除了本身杏仁出色之外，碗內的蓮子白果也加了不少分數。特別是白果，軟又甜，蓮子又永不會苦澀。雖然價錢像是越來越貴，但$31一碗的蓮子白果杏仁，仍然是我每次去澳門的必食之一。

買完手信腳仔軟睇本旅遊書介紹呢間糖水鋪d相好似幾得,又好似幾近我地所在位置,諗到無諗就衝左入去試下,入到去得個兩三個客仔,d侍應仲多過d客,都心知不妙....椰汁芒果西米 椰味都算重 芒果唔係好靚唔係好甜 西米都幾大粒 好一般 唔特別 叫錯野,唉腐竹白果糖水 普通到不能既腐竹糖水 但價錢就一d都唔普通 差唔多四十蚊一碗....老實講同屋企自己整差唔多 係白果比其他鋪好味d 但食完我都剩係諗到搵笨呢兩字黎形容佢龍眼馬蹄沙 呢個算係三個入面最好味既 馬蹄細細粒好有咬口 加埋大大粒龍眼 呢個配搭好match 天氣凍食好正好滿足~好食又唔係見得特別好食,坐又唔係坐得特別舒服,呢個老字號我就真係唔係好識欣賞喇....

特意只在勤記買一碗糖水, 留返另一個配額給杏香園。 糖水比較新派, 價錢算貴, 大多都要三十元以上。 配搭好多花款, 左拼右拼, 只是看餐牌都已經眼花。心水的馬蹄沙都有好多種,有白果、椰汁、蓮子等, 最後要了平時少接觸到的一款。 椰汁蛋白馬蹄沙$30: 講真一碗糖水要$30真是不便宜。 本身可以坐住等, 點知不斷有人入來, 無理由霸住個位, 唯有企, 足足要等十五分鐘先有呢! 買時不知有分熱和凍, 後來聽到人講才知道, 但落左單不能改, 結果拎返去一看是熱的。 想不到咁樣配搭都唔錯, 馬蹄切到好碎, 幾爽口, 但份量唔多, 幾清甜, 蛋白大大塊, 好滑, 加埋椰汁特別香, 吃到尾都不會有漏的感覺, 感覺很清潤。雖然貴但幾好味。其實店子最出名的是超巨型的裹蒸糉呢!

吃了強勁的燉奶後，也只走幾步就吃第二餐的甜品了，這小小的糖水店，蔡生也是來過的，今天一於試試其手勢吧。同樣是採取精英制，主要是想吃之前蔡生來吃得很滋味的甜品，也直接的問阿姐蔡生來是吃什麼的，她很快的答是最長名字，什麼配料也有那一個，啊！原來是雪糕椰汁西米紅豆涼粉粒。由於還要留肚應付接下來的食物，所以決定二人共享這份 乜都有的甜品，等了不久，也有得吃了，雖然這碗東西要四十多元一碗，但也真的是交足貨，大大碗滿的，材料也如其名的豐富，有雪糕、椰汁、西米、紅豆及涼粉粒，大量的西米、紅豆及涼粉粒被椰汁浸着，而面頭加上一球雲呢拿雪糕，西米有咬口而煙韌，粒粒飽滿；紅豆是煲至剛爆開的，火候控制得好，紅豆夠粉而軟腍，而其內的沙又不會煲至走哂出來，而且也有紅豆香，和西米一樣，也是粒粒飽滿；涼粉粒清清的，只帶有微甜而有咬口；而雪糕當然是在夏天的消暑良品，論質素是一定沒有HD的那麼好的了，但也是香滑冰涼；而最要的是以上全部的食材，在椰汁的薰陶下，全部吃起來也是充滿了椰香，那些椰汁真的是很椰，勁濃的椰汁味，完全帶起了整個甜品的味道，真不錯。這個甜品，大雜會起來又每樣材料也是認真的好吃，很是滿足，但下一站，也可以

吃完麵, 行落後面街, 就到這晚的甜品店, 是晚的主角係雪糕. 杏香園不少甜品也加上雪糕, 正合小弟的心意. 就揀了杏仁合桃露雪糕同埋芒果盅雪糕.杏仁合桃露雪糕: 6分, 見這裡的招牌係杏仁茶, 合桃露同埋雪糕, 就叫一個杏仁合桃露雪糕一次過試盡三樣招牌. 糖水溝雪糕, 不是太多地方會做, 始終不容易溝得好. 這裡的, 還算可以, 但就沒有化學作用, 味道夾不了, 只係各自為政. 杏仁茶的杏仁香不太吃到, 而合桃露也不太滑, 其實熱吃的糖水應該更加正路. 幸好雲尼拿雪糕是相當正, 夠滑, 大大球. 喜歡溝來溝去的會喜歡這個, 但小弟就真係試過就算.芒果盅雪糕: 7分, 另一招牌係芒果盅雪糕, 收到成$41一客, 認真貴. 芒果色澤不太靚, 但還算鮮甜的, 中間就係一大球雲尼拿雪糕, 份量十足. 芒果加上雲尼拿雪糕, 化學作用至少好過杏仁合桃露雪糕的.不明白這店的價位為何訂得那麼高, 甜品怎說成本也不會很貴吧, 但大部份也要收廿幾三十幾元, 實在幾貴. 來吃吃雪糕是十分高興的, 但整體感覺就只係一般.杏仁合桃露雪糕 $29 + 芒果盅雪糕 $41 = $70

一早聽過佢大名 話佢乜乜乜 又貴又唔好食..不過我朋友想去...就俾個機會佢澄清一下啦..最後既結論係超貴得黎又勁難食...如果你貴一貴..好食都冇問題....但係LEE度真係把鬼..我地個個..一路食一路鬧....怨聲載道~~~到最後個個都剩低一半冇食就知乜事啦!!!都唔知憑乜野有咁多旅遊書介紹.....明顯係俾錢賣廣告!!!! 唔去都罷...有人食湯圓...有人食馬蹄沙...有人食竹笙雪耳....試左好幾樣都冇樣好....都唔知佢有乜SELLING POINT..又貴又唔好食....走人

我同2個fd去澳門旅行,黎新馬路其中一個目的係去杏香園,,一入到去望望個餐牌..原來都唔平..最平果個都要24蚊.入左去冇理由走,就3個人點左一個椰汁紅豆粒,係好似椰汁紅豆沙咁..嘩..好好味呀,,,d紅豆可以整到起晒沙,而且d紅豆超大粒,又甜又好味食完我地問果度d員工路,一個可能係員工,另一個可能係老闆,佢地都好好人咁教我地路,又介紹有咩好食..最後仲送埋張地圖比我地tim..overall...如果食佢果度野d食,,再加人情味就真係100分啦...可惜貴左少少///

原來此店有40年「歷史」,記得多年前來,食過木瓜雪耳馬蹄沙。今次重來,給價錢嚇呆了!(Range:MOP25-35MOP)「杏香」收得夜,其實我地一心去「保健」架!朋友吃龍眼馬蹄沙、杧果雪糕筒,是椰子雪糕底!呵呵,原來椰子雪糕,可以咁好食咕喎!我的椰汁杏仁合桃湯圓,簡直樣樣野都試到啦!椰汁、杏仁、合桃可能份量太平均,食唔出邊樣味,椰子?no no…合桃….?我諗mixture最多兩樣夠了。花生餡湯圓形狀不規則,皮不見新鮮煙韌,整體普普通通。百合紅豆沙,咁多泡泡,一睇就知,已放入雪櫃,再煲滾之效果。好多百合。紅豆無被煲溶,豆還豆,水還水,不成沙狀,而且太甜。

今次去澳門無去義順, o黎咗杏香園合桃杏仁茶 ~ 好香合桃杏仁味, 香滑, 唔太甜!!芒果盅 ~ 芒果甜而新鮮, 芒果下面係雲尼拿雪糕和椰汁, 食落就無乜特別, 都算ok!!下次都係會去呢度, 因為坐得舒服好多, 而d乜乜湖都好味好多!!

我們到澳門兩日一宿. 大家姐帶我們到杏香園喫甜品.看到各食客都亂點鴛鴦地點叫甜品, 這引起我的童心來, 也就按已所喜的亂點.紅綠荳夠腍, 椰汁夠香, 西米夠燸, 涼粉夠清, 蓮子夠鬆, 馬蹄夠爽, 雪糕夠滑, 再加上夠甜 就混成我的甜品. 喫時百味交集, 難以形容, 卻是樂在其中, 切盼這是人生之路!杏香園的品質不如西環源記; 服務不如九龍城合成, 變化與份量卻是更勝一籌.杏香園甜品在澳門是名店, 帶給我的是"童心未泯", 付出代價這又何妨呢. 到澳門定必到 杏香園抓回我的童心!

我也是慕名而來，從電視節目中的介紹，真的很吸引，不得不試。下午3時去到，剛開門不久，不會太多人，再看看餐牌，嘩，都幾貴，最平都要廿幾一碗。三個人叫了兩碗share來吃，一碗的份量都頗大，幸好沒有一人一碗！紅豆椰汁西米（凍）：西米一粒一粒，不會糊，紅豆又大大粒，很好吃，不過太甜了！椰汁蛋白馬蹄沙（熱）：有馬蹄小粒，增加了咬口，蛋白是一"o舊""o舊"的，不是打散做蛋花，這正是我喜歡的食法，不過同樣地亦是太甜了！不知是否因為加了椰汁。如果可以便宜點，細碗點，再少甜，那就perfect！

2008年11月10日，杏香園杏香園一向都不便宜，紅豆沙都賣24元便知道啦。蓮子百合紅豆沙($24)：對我來說是甜了點，蓮子松化，紅豆沙不俗。24元，下次還是自己煲吧。。。合桃杏仁茶($23)：合桃好像比較多，似杏仁合桃多D（抵喎，25元），都好香，但稍甜。呢度開到淩晨1點，所以我們來晚了也吃到，都算lucky。不過這天有很多人抽煙，好臭 ，如果澳門的餐廳都禁煙就好了！