果汁王

营业中

休息中

今天去澳門一日遊，作為送給自己的生日禮物。一日遊套票，有得玩有得食。到幪面超人33代大集結玩樂過後，來到這個美食坊，享用過雞肋般，食之無味，棄之可惜的運財套餐後，總覺得唔夠滿足。剛好看到水果檔，有果汁喎！一於全家整返杯！餐牌有多款配搭，唯有著眼於纖維豐富，幫助消化的水果。　火龍果有黑色籽，菠蘿有消化酵素，二者都是排好幫手。 聽覺：排隊付款時，除了聽到榨汁機的＜剿剿＞榨汁聲之外，還聽到香港特有的Do Do聲，係八達通机呀！視覺：付款後，要慢慢等，等待期間，看到多款色彩繽紛的水果，心情也會變好。不過這杯顏色偏灰白色，看來很杰身。跟家人的蘋果汁有大不同。口感及味道：口感杰撻撻，不太酸，菠蘿好似唔存在，只得微微的甜味。這是28元一杯，都覺得少少貴，如果有銀娛會員咭，仲有九折！　未知這個會員咭要在哪裡申請呢？

因為工務要到氹仔簽約，一切順利下午兩點已經攪掂晒兼食埋lunch。坐車去咗Galaxy諗住飲杯咖啡、食件cake，點知周圍都得tea buffet或high tea set... 已經食飽飯，冇理由又百幾二百蚊食甜品。行咗一個圈，決定喺果汁王買杯嘢飲坐下算（因買咗四點半船飛）。門面頗光鮮清潔，生果望落都新鮮，所以放膽試！我叫咗Blueberry Caca ($48)，主要有藍莓、香蕉、椰子、椰汁。點餐快，但出餐慢... 我等咗超過10分鐘，我睇住佢地執材料+水+糖水，放攪拌機再倒入杯，但個攪拌機重倒剩差不多1.5杯... 睇到呢度就知瀨咗嘢！攞上手杯嘢係室溫、唔凍嘅！一飲入口... 淡而無味兼水汪汪，一啲都唔似用香蕉打嘅。結論係，所有主打做大陸人生意嘅舖頭都千其唔好幫襯！佢地只想hit and run，賺你一次錢就夠，因為佢地有11億人，每人比佢呃一次佢就fat-fat了～