澳門大利來記豬扒包

营业中

休息中

呢間豬扒包真係俾人吹捧得好誇張，所以澳門🇲🇴開咗關之後都即刻過去試吓，因為附近都真係有好多唔同款嘅豬扒包但就只係試咗呢一間，但係嗰個人其實覺得味道還好只不過豬扒嘅份量比較大，而且外皮大家可以選擇牛角包味道可能更好，因為呢款係招牌嘅包個人覺得冇乜特別，豬扒🐷味道都幾香而且好厚身，肉質都唔會太實既

去到澳門🇲🇴好掛住個豬扒包，一於就去人氣店大利來記間總店度試試大利來豬扒包 $40🐖豬扒一啲都唔會好乾，豬仔包脆得嚟鬆軟豬扒菠蘿包 $ 40用上菠蘿包都同豬扒夾嘅，菠蘿包個皮都脆卜卜🐂牛腩麵 $ 45牛腩麵仲有埋牛筋，正！牛腩好淋，牛筋亦唔靭凍奶茶🥤 $19奶茶好香濃、好滑可樂 $15大支裝可樂，飲落點都有風味過罐裝

🥪大利來記豬扒包（氹仔）​📍氹仔舊城區告利雅施利華街35號地舖（官也街個邊，呢間有位坐）​👉🏻👉🏻掛住食唔記得影menu🥲唯有po多幾張豬扒包美照​本身對豬扒包印象麻麻，因為細個食過個包好硬（唔知當時幫襯邊間，唔好食，仲要有燶味）自此之後冇食過，但好彩今次同行友人話要幫襯先食到咁好食嘅包包🤤​大利來豬扒包 $40好欣賞個麵包，烘過但仲好軟熟（心諗到底點做到？）超正，然後到主角大大塊豬扒，唔會太油，豬肉又腍又香，成個包一齊食，食唔停口，諗返又想食🤤🤤​（評分：5杯☕️最高分） 食物：☕️☕️☕️☕️☕️環境：☕️☕️☕️☕️CP值：☕️☕️☕️☕️服務：☕️☕️☕️☕️​✨會再幫襯? 會，真係好好食，同埋附近有好多好野食，位置好好👍🏻👍🏻👍🏻（可以食完文哥咖啡美食行幾分鐘幫襯呢間）

疫情之前每次去澳門都會食大利來豬扒包，有4間分店，官也街同威尼斯人都有。。豬扒菠蘿牛角包 $53之前未見過，菠蘿包已經邪惡，仲做埋牛角包，店員好好，將個包切開方便share，豬扒有骨切唔到，佢俾埋餐刀。不過有少少失望，豬扒腌料好似唔同咗，牛角包淋淋地無左菠蘿包嗰種鬆軟。。豬扒菠蘿包 $40見到菠蘿包係即刻烘，所以外脆內軟，甜麵包配豬扒嘅咸香😋。凍檸茶 $22茶底好香，好飲👍🏻店員幾nice。但豬扒好似無以前咁好食，下次會再俾多次機會試下。

⛴️三年冇出去玩，今次近近地趁着新年之後既平日黎左澳門🇲🇴！自1月8號之後，香港人來往澳門係免檢測免針紙，我地先到達「港珠澳大橋旅檢大樓」，再買左🚌$65金巴單程車票就直達澳門氹仔碼頭，落車後已經見到唔同酒店既shuttle bus接載乘客到各酒店。🎰我地首先去左新賭場「上葡京」睇吓，入面有間八佰伴，但賣小朋友玩具，我地好快咁走左。吃貨最緊要去醫肚！旋即去左氹仔官也街搵食！🥐豬扒牛角包首選當然係食豬扒包啦$48，豬扒正常發揮，配上牛角包🥐鬆脆，都幾大件。🍜牛腩麵$45個麵份量有啲細，不過味道係唔錯，牛腩都好淋同入味。🦑咖喱魷魚$35惹味咖喱汁沾上新鮮魷魚，易咬又爽口，不知不覺食多左。😋黎到官也街呢條食街要留肚，大利來記野食OK, 但性價比唔高，留肚食其他。📍氹仔舊城區告利雅施利華街35號地舖

去澳門🇲🇴最記得嘅一定系大利來嘅豬扒包❤️系官也街附近就有一間！相隔幾年，終於食得返呢個味道🥹佢個豬扒真係炸得好好食，好香💯咁高質嘅美食只需$40就已經享受到👍🏻當日真系人山人海，全場滿座，所以揀左外賣，一路行一路繼續搵其他野食，就算外賣都系超好食的😍讚‼️

🌸繼上次介紹完澳門豬扒包文記，今次再介紹多間出名人氣菠蘿包😆呢間雖然香港有分店，但係黎到澳門緊要試下佢總店既豬扒包，睇下佢地有咩特色可以開到咁多間分店😂-𝐅𝐨𝐨𝐝 𝐑𝐞𝐯𝐢𝐞𝐰 食評 🍔菠蘿豬扒包 菠蘿包皮唔算好脆，但係豬扒有補返不足。豬扒厚身，因為係骨位，食落都唔會好韌😂唔算有大驚喜，不過小編覺得好食過之前介紹過個間🫢-小編去之前做功課睇下其他人既食評，好多都負評，但係食落又冇想像中咁差，可能因為小編去左總店，部分有負評既大利來記估計係旗艦站，豬扒包質素未必可以完全監管到😀所以想食返佢地成名既味道，可以去返總店🫢-📍 大利來記豬扒包 總店澳門告利雅施利華街35號環境：🌸🌸🌸味道：🌸🌸🌸服務：🌸🌸🌸衛生：🌸🌸🌸性價比：🌸🌸🌸

年初八澳門行食食食，疫情下3年冇去過澳門，去到搵唔到大利，轉咗另一間冰室，吾知大利搬咗去邊，一問才知搬咗去後面街，去到店冇咗已往坐路邊嘅熱鬧氣氛，幫襯嘅人亦吾算多，環境陰陰的，點了朱扒包外賣再往往日路邊長凳進食，包和朱扒熱辣辣的即整，包可以再焗脆一點就重好，40蚊一個朱扒包唔算平，但覺得比已往好味，吾知係吾係已往路邊太多人幫襯所以整得冇咁好食，現在小人反而整得好食咗，希望他可以keep住 💪🏻😋

星期二下午一點去到，樓下冇位，上咗樓上雅座坐。一坐低就叫豬扒包，但係夥計話兩點後先至有豬扒豬仔包賣，唯有改食豬扒米粉。另外叫咗咖喱魚蛋，$32有八粒。咖喱係自家製，不過比較辣。成$4一粒魚蛋我覺得比較貴，因為唔係特別好食。豬扒米粉有兩塊豬扒，米粉就一般，豬扒都OK。$4x 一碗我覺得有啲貴。聽到其他食客都有叫豬扒包又係話兩點先有但係原來依家都有豬扒「菠蘿包」食， 但係頭先顆計又冇同我地講。如果係遊客身份未嚟過都可以黎試吓嘅，但係老老實實我覺得物非所值。

之前黎澳門都未試過呢間既豬扒包, 原來真係開到周圍都有經過左呢間, 好自然就入左去喇~呢間鋪比較暗, 唔算大, 不過夠哂地道,黎到一心要試大利來豬扒包, 點知原來2點後先有豬扒菠蘿包我地就揀左呢個豬扒菠蘿包, 好彩朋友本身又鍾意食菠蘿包拎上手仲係好熱, 要涼一陣先食到店員好貼心幫我地切開左兩份~賣相幾吸引!菠蘿包夠軟身, 豬扒就不過不失, 冇想像中咁有驚喜

今日襯放假冇乜嘢做就同幾個朋友黎澳門食下野行下。一到步就即刻就嚟咗依間 大利來豬扒包記覓食。嗌左兩個豬扒包，一個咖喱魷魚魚蛋，奶茶同咖啡。豬扒包塊豬排好大塊，仲大過個麵包，豬扒係新鮮炸起，麵包就叫左菠蘿包， 十分鬆軟🥐🥐🥐。奶茶就係港式奶茶，茶同奶係分開上嘅 🥛🍵，可以自己根據喜愛嘅口味同比例 去加減。特別得黎，又幾好玩喎😂😂😂。咖喱魚蛋就同平時香港食到既差唔多，不過就略嫌辣得滯，我要去飲晒成杯奶茶先解到辣，如果唔怕辣嘅人都應該幾鐘意。

自從多年前搬離大笪地後...無論食物味道、風格跟以前的已經大不同！可能為減免清潔工序...現在食店所使用的全是紙碗、紙杯、膠义、同即棄木筷子！非常之吾環保！另外...感覺店內燈光亦比較暗！食物方面，辣魚甜餐包水準依然無變...辣魚裡面配有洋蔥...辣味中帶有鮮甜...非常好味！咖喱魚蛋魷魚係我舊時既之愛！我通常會用佢嘅咖喱汁撈豬扒米嚟食...非常嘢味！可是依家佢啲咖哩汁跟以前好似有啲吾同...個汁比較淡...冇以前咁香濃！啲豬扒仍然香口...但豬扒米價錢已經去到四十幾炆一碗！感覺太貴𡃤！

1點幾去到.得翻$55個特別版牛角酥牛扒包.第一次到咪試下咯...但係超級唔好食...塊豬扒D骨勁大...好多筋...翻左香港傾開計先知...呢派去玩去買...都係話賣淨牛角酥$55果種...無曬普通@48果隻....勁呃人收銀態度都好差

Every time I end up here because this shop is everywhere and everyone thinks it is good.This tried the new croissant pork chop bun recommended by the person at the counter.The croissant was soggy and oily so it was not palatable.

係賭場玩左2手之後出去官也街行下買下手信，見到大利來記餐廳，嚟到澳門點可以唔食大利來豬扒包，於是就決定入去食，坐底叫左佢個招牌豬扒包，個包熱熱地，塊豬扒都幾大塊，不過骨都好大舊。