禮記雪糕

营业中

休息中

熱辣辣最啱食雪糕🍦🥜花生雪糕:好香花生味，唔會太甜🤘🏻香芋雪糕: 質地似真芋蓉，推薦👍🏻🥪雪糕三文治: 入面有雲呢拿、蜜瓜、花生味，幾清新，細細份唔會太飽

在三盞燈吃過年飯後，在小街穿插行了不久，便到了禮記吃傳統的雪糕甜品，我們選吃了不同味道的雪糕紅豆冰，也要了一客舊式紙盒載的雪糕三文冶，懷舊之余也可懷緬一番舊時冰室的陳設氣氛，例如六十年代的冰室廣告畫、古色古香的雪糕櫃、禮記雪糕紙杯的歴史等。

My friend recommended this ice cream place last time I visited them in Macau, but we didn’t get to come here last time. I forgot that she recommended the red bean ice cream, and so I got the ice cream sandwich instead. The box is so cute! But the ice cream sandwich was not that good... There were 3 flavors of ice cream in the sandwich, and I was trying to figure out each one. I could distinctly taste the white one and brown one, which is coconut and coffee, but I had a hard time figuring out the

話說之前睇返以前一個飲食節目-回味無窮，有介紹禮記，之後就打算係澳門試下，可惜上兩次去澳門，因為某原因而無機會品嚐，今次去到就要食返次。先講雪糕既大細。唔知係咪電視畫面拍攝問題，望落個雪糕盒係幾大，但現實係好細。其次，味道方面，好記得KATHY(周汶錡)話以前既雪糕係清而不甜，而家果D比較濃同甜D，呢個雪糕真係比較甜，對我唔鍾意太甜既人黎講真係差左D。然後，今日個雪糕係朱古力、芒果加椰子，但其實我想食密瓜、芒果加椰子。希望下次去果時可以有機會食到。

在上年10月份，我第一次跟這位男朋友一起走到澳門兩天遊！幸好！兩日也天朗氣清！沒有影響預期的行程！這兩天的行程由他話事！男朋友建議食雪糕三文治！恰巧！當日香港地鐵又有事發生，導致交通擠塞！連澳門人也得知此事！ 我們專程走到 <禮記雪糕 > 一嚐 雪糕三文治，其實只是一般！他發現店內有部紀念幣壓幣機，MOP$10/個，有4款紀念幣圖案可供選擇！供應：雪糕及飲品雪糕三文治 $17這款三色雪糕三文治，令我勾起童年回憶！ 保留懷舊包裝的三色雪糕三文治，威化吸收了濕氣，變得軟身，成份分別是白色的椰子味雪糕、黃色的芒果味雪糕、綠色是蜜瓜味雪糕；當中椰子味雪糕最為突出！ 雪糕口感也尚算香滑！雪糕紅豆冰 $23紅豆冰好足料！  跟香港的港式紅豆冰有出入！紅豆煲蓉卻並非紅豆粒粒分明，我們也大讚真材實料！

見宜間好多人都話去澳門必食所以一到埗第一站就黎宜度。椰子雪糕磚宜度最出名係雪糕磚，唔似普通食開既雪糕咁，宜個係比較實，好似手造咁，半磅都幾大舊下，我地三個人食啱啱好。

今日去大三巴附近，順便去食吓雪糕，當然最方便就是禮記。食物款式多，但價錢偏貴。因為食物質素欠佳，所以唔值。禮記三文治雪糕最出名，盒裝懷舊風味，如純睇個盒的外表，會好吸引。不過，三文治雪糕的盒其實好很細，差不多比一盒煙盒還小。$17 一件其實計係開天殺價。雪糕有三種口味，白色是椰子味，綠色是「牙膏味」，黃色是唔知咩味。香蕉船又是一絕，一條香濃切半，加上鑵頭雜果和雪糕，盛惠 $39，我自己就覺得好唔值。而且啲雜果霉霉地，應該開鑵好耐，品質欠佳。雪糕「專家」？！令人深思 門面如此，如旅遊澳門，順去大三巴就一試無防。

I came here because I saw that it was an OpenRice award winner. I got the ice cream sandwich and it was not worth the calories. The ice cream was icy and hard, not creamy like ice cream should be. I’m not sure why this place has such good reviews and am convinced that either half of the reviews must be fake or Macau has low standards for ice cream.

快閃澳門半天，去到已經過咗午飯時間，行去搵午餐食時已見到禮記在對面馬路， 一直未食過，已經心思思想試吓。食完lunch又經過對面，朋友要在附近辦事，唔想企响度傻等，叫埋妹子去禮記，可以坐低食個午後甜品，一邊嘆住一邊等...嘻嘻。原本店入面無咩客，有7、8個大叔跟住我們尾進入，即時成間店熱鬧起來，我們正研究吃什麼時，已聽到大叔們每人一個雪糕三文治，說是兒時回憶，有些又叫雪糕紅豆冰..... 我又湊熱鬧叫個雪糕三文治包裝懷舊上下兩塊威化吸收了冷氣，不脆是正常的啦。三色雪糕，白色是椰子很香滑，綠色是蜜瓜稍嫌味道濃了點，這兩個味道很易分辨。唯獨中間淺黃色的吃不出是什麼，我們猜想是花生吧，口感也滑。還叫了一杯雪糕涼粉，自選雪糕揀咗芋頭雪糕，吃得到芋蓉所以唔滑，有芋頭香幾好。涼粉是罐頭貨腍滑，糖漿份量剛好，唔太甜。食緊涼粉時又聽到大叔們起哄，每人叫了一支紅豆雪條，聽他們大讚怎樣怎樣好味，於是又想每人吃一支，堂食比外賣相差2元，看看時間差不多，於是外賣拎走，一邊行一邊食，好似紅豆沙加大大粒紅豆，真材實料，超級好味，甜度又剛剛好，正呀喂！下次都要食呀！

相信禮記雪糕好多人都聽過㗎啦！細細個跟阿爸阿媽成日去食呢個紅豆雪條！一邊真係完粒紅豆㗎非常之正！🤤🤤🤤🤤最終點係佢個紅豆雪條唔會話好甜，但係呢就好好食！好有紅豆味！大家嚟到澳門一定要試試啦！😍😍

澳門事件簿(1)👨‍🍳本尊澳門兩日一夜的旅程，第一站就同朋友試下聞名已久嘅禮記雪糕三文治🍦個三文治係由餅皮夾住三款雪糕，食落有咖啡味，奶黃味同椰子味之前上網見到個三文治都好大份，但係黎到有少少失望，份量細左好多😢除此之外餅皮有少少淋，食落無左個口感😶令我同朋友都有少少失望依個三文治賣$17，細份之餘唔係話太抵食，不過如果大家想試下以前個種懷舊風味，依款三文治都係值得一試🙂本尊今次介紹去到依到，下次再同大家介紹🤤

有時候食野，成日話食環境，食服務。其實往人情味最令人回味 。入到禮記，已經被懷舊氣氛包圍，70年歷史，唔係講笑。再加上旁邊幾個婆婆同老闆講起舊事，細說當年，直情好似時光倒流。 款式固然不及外國大牌子多，勝在人手製，雪糕三文治嗰種童年回憶，唔係哈根大比到你。試咗佢嘅雪糕紅豆冰，紅豆非常足料，雪糕味道仲可以任揀! 而芋頭雪糕味道亦非常清新，會咬到一粒粒小小嘅芋頭粒，同平日食嘅唔同，新奇既係發現芋頭雪糕唔係紫色，證明咩，絕無人造色素。如果你只追求雪糕嘅幼滑，味道，禮記或者會令你有少少失望。但如果你同我一樣，會欣賞佢嘅歷史同人情味，就值得一試啦。

呢間雪糕三文治店好似好多人話好味，去澳門也要來食，今次有機會來試下，人不多，店子原來也幾新，不是好舊的樣子。大大個禮記雪糕專家招牌。除了雪糕三文治，仲有雪糕球，飲品等等。。。我們就試下雪糕三文治，三種口味的，不過係唔知咩味的，要開了才知道。個盒上面有埋禮記的名字。咖啡，椰子，芒果的口味，兩塊威化餅夾住中間的雪糕，其實好普通。雪糕味道不是好奶味重，粉身的感覺，又唔會咁甜的。威化餅唔脆口的呀！！唔明白點解咁出名！！

呢間禮記雪糕，俾人嘅感覺好似好家庭式經營，晏晝去到，見到好似一家大細咁樣嘅伙記坐喺度食飯，好溫馨咁，好傳統嘅感覺。今次係我第一次黎食，係朋友嘅慫恿之下，叫咗杯雪糕菠蘿冰試吓，雪糕嘅口味可以由自己挑選。呢個就係雪糕菠蘿冰喇，雪糕係密瓜口味，價值＄22。講真，食得出杯菠蘿冰入面嘅係地捫罐頭菠蘿，冇乜驚喜。但係雪糕真係好好味啦，同一般出面買嘅雪糕唔一樣，呢個蜜瓜雪糕感覺好奶，同埋感覺似係homemade,好特別

周日落緊場無情嘅大雨，剛好行過見到無咩人就過黎食下馳名雪糕，順便避下雨。現場所見，大概是下午3點左右，客人不多。呢度主要都係食雪糕甜點為主，想要點咸食 就可以食三文治或 一餸嘅出前一丁$20!最靠近門口 有個餐牌掛係度，方便叫外賣嘅客人。(左)雪糕三文治 $17 薄荷味雪糕單球 $13薄荷嘅綠色綠得有點誇張，超似一球芥末放係豉油碟上!薄荷味嘅薄荷比較人工，雪糕偏軟身較甜!呢度雪糕三文治係皇牌!三隻色分別係椰子、蜜瓜、雲呢拿威化層好薄身，雪糕質地似雪芭!咬落有種水水嘅感覺。味道好一般!紅荳雪條 包裝幾特別嘅比起鎮店之寶嘅雪糕三文治黎講，紅荳雪條係比較抵食少少，屬正常size。請注意: 雪條外賣是7蚊，堂食要9蚊咖!雪條咬開後，紅豆係塞滿整支雪條!感覺就係一條紮實嘅紅豆沙一樣。原來禮記係2016 榮獲最優秀開飯-澳門熱店整體黎講都唔會再黎第2次了