誠昌飯店

营业中

休息中

跟家人來澳玩2天,因一行10人,來到氹仔,因太餓,又要找一處可容納這麼多人,就來了誠昌,之前看過食評,依稀記得評價並不算好,但因沒有腳力再行,就入去吃,但真的很後悔,又貴又不是別人評極之好食,因第一次食,不知味道如何,聽聞是水蟹粥,好貴呀,叫了大窩,怎知落單大叔話"唔夠你地食,要多一窩"態度極之差,我地十五十六,不過好在無要多一窩,真的"搵笨",左想右想,它如何值那麼貴價錢,後來大家姐說:「呀蘇有介紹過,剛才無禮貌的大叔,就是上過電視」,明白了,就是上過電視,所以價錢今非昔比,下次呀蘇或者蔡欄之類食家介紹過,都要小心選擇,食完餐飯,都好像沒有什麼落肚,炒蜆,大部份是殼.無肉,鯪魚球,我嫂子整得比他好,完全不明白好在那裡,又貴又普通,滿店吹噓明星幫襯,若果真材實料,就不用此宣傳,或許以前可能是好食又抵,不過服務態度真的很差,連端菜呀嬸都態度惡劣,真的無下次,我也叫我的朋友不要去,搵苯.

誠昌的水蟹粥遠近馳名, 從很久以前開始, 都是來澳門的必吃之選。店舖亦由一間做到兩間, 人客依然絡繹不絕, 加上報章雜誌的報導, 和明星效應(左倫右李), 老闆應該賺到盤滿缽滿。最近再到誠昌, 依舊點了喜愛的水蟹粥和炸雙拼(鯪魚球拼墨魚丸), 發覺除了價錢貴了之外(以前細的水蟹粥不用100元, 現在則要120元), 水蟹粥好像也比以前遜色了少許。雖然蟹的份量不算少, 但是粥的味道卻好像不及從前(不知道跟季節有沒有關係呢, 莫非現在並非蟹最肥美的季節?), 不過, 現在的水蟹粥其實也算不錯的了, 至少在香港很難食得到。至於炸鯪魚球拼墨魚丸, 依然好香口, 好好食!

好久前吃過, 水蟹粥好一般, 其他食物已忘記了, 沒有令我再去回味的衝動.

＜水蟹粥（大）＞夠晒出名～勁好食呀！！入面超多蟹膏，係每一啖都會食到蟹膏架！隻蟹都好有鮮味～大約有７－８碗啦！＜椒鹽田雞腿＞比較油膩左ｄ…所以食唔到好多…不過ｄ田雞腿，隻隻都好大好肥美！！＜椒鹽鮮魷＞好爽好入味！ｇｏｏｄ＜ 酥炸鯪魚球＞一ｄ腥味都冇～不過食落好似食緊魚蛋咁＜蠔油生菜＞叫左走油，但都係有點油…下次去澳門都要黎食返碗水蟹粥先得＊＊＊

水蟹粥:味道尚可椒盬鮮魷:偏辣,但唔鮮味炸墨魚丸拼炸鯪魚球:墨魚九ok啲,但鯪魚球一D味都無,食落口感覺好‘膠’干燒伊麵:賣相勁核突,干爭爭,唔入味我上年9月去食水蟹粥(細),佢賣九十幾蚊一窩,今次已經加價去到MOP120細窩,都埋今次個大叔待應態度好差,一坐低都未拎起餐牌,就問你要咩!!!我朋友第一次食,都想知有咩嘢揀?!之後問佢嘢,又當聽唔到…

星期六同屋企人澳門一日遊本來玩得好開心, 點知就係夜晚既一餐飯將整日的開心打破晒, 我地一家人諗住去人人食過都贊不絕口既誠昌食水蟹粥, 點知惡夢開始了, 去到首先發現除了"熱門選擇(水蟹粥/炸鯪魚球... ) 之外, 沒有太多其他小菜食, 我地就點了水蟹粥, 炸鯪魚球,炒花甲,豉汁蒸大鱔,荷葉蒸雞, 本來還有一個瑤柱生菜, 但可能漏了單好耐都沒有來,而因其他菜太難食我地決定取消, 還有待應的服務其差, 我一定唔會再去lor水蟹粥 : 味道都OK炸鯪魚球 : 沒有魚味, 同街邊煎釀三寶D 魚旦冇咩分別炒花甲 : 好喊, 最嬲是全碟得10幾粒肉　　　(我地同待應反影殼多過肉, 個待應竟然指住果幾粒肉話: 這些咪係肉lor,另一個仲話　　　　一隻花甲有兩邊殼ma) 聽完之後我地真係火都來埋,豉汁蒸大鱔 : d豉汁一d 都冇豉汁味, 好古怪, 我地以為是麵使醬, 但d醬是灰灰黑黑d , 又唔似, 　　　　　　味道就唔使我講啦！難食荷葉蒸雞: 味道都還可以

因為得2個人, 淨係可以叫蟹粥一窩, 小號呢餐唔好當正餐, 最好下午去, 唔駛同人迫, 當小食, 因為食蟹係好費時間, 如果連等枱, 只會等到唔想食....真係食到好香蟹味, 蟹夠肉, 蟹榚比例OK啦同埋俾港紙找港紙, 夠均真囉

成日聽人講話澳門必食水蟹粥，就滿懷希望咁黎試試環境黎講, 平民啦. 價錢黎講. 酒店咁囉好耐先黎. 我就唔信佢即時煲勒黎左. 味道...唔覺得有咩特別可取既地方. 只可以話唔難食但不見得好食.好似人地咁講. 叫試過就算啦言過其實.. 我覺得皮蛋瘦肉粥仲好食

嚟澳門當然要食水蟹粥由於澳門位於珠江口咸淡水交界所以水蟹會肥d同鮮味d不過價錢當然就係遊客價 服務就好地道加埋d評語...睇嚟......應該.........酥炸墨魚丸 皮脆彈牙 都幾鮮味 不過我覺得配返蜆介先啱味馳名水蟹粥 "聽聞"用咗三種不同蟹煲成不過睇d粥嘅顏色 已經唔覺得有幾好食估唔到真係無咩蟹味 d粥好稀 蟹膏碎都有d嘅鮮就無咩 甜都有d嘅......呢個係細嘅大概4碗都要$98 我就覺得都幾至於衛生就麻麻 大排檔feel 叫做專登嚟見識過就夠至於包2蚊Tempo 最後我學大陸人咁原封不動俾返佢又真係無扣嗰$2

4 個人叫左:-1. 椒鹽田雞腿 ok 好食! 不過唔係 dry 田雞腿黎既....2. 酥炸墨魚丸拼酥炸鯪魚球 個墨魚丸好好好好食呀! 好食過鯪魚球多多聲3. 水蟹粥 可能唔係水蟹季節, d 蟹唔夠水, 所以唔夠甜... 不過都唔差架~4. 鮑貝扒生菜 非常一般.... 好彩 d 鮑貝唔係好林, 都有 d 野咬下~d waiter.... 都 ok 既.... 環境.... 都 ok 啦~ 乾乾淨淨咁啦~

吃完莫義記, 沿官也街走去, 有很多手信店, 友人看見此誠昌飯店, 原來旅遊書也有介紹的, 而且據說又是阿蘇的推介 =__=主店其實未滿座, 但我們入到去, 有個阿姐就帶我們去後街的另一邊店面去坐下。我們其實不算餓, 所以只點了一窩水蟹粥 (有分大小, 好像叫了大的, MOP 97)。那窩蟹粥就如參考圖片一般, 是有一大隻蟹的, 不很厚肉不過金黃蟹膏不缺。那麼蟹的鮮味又不至於爆發出來那般厲害, 而都滲到又綿滑而暖熱的粥裡面。我吃蟹功夫差, 所以沒有怎麼拆蟹來吃。抱著到此一遊的心態來還好, 反正在香港不是很多地方能吃到蟹粥。

勁慶！今天下午陪屋企人去澳門一日遊，老人家想吃中餐，行開"官也街"就入左去<誠昌>。點知，一坐底就遞了包Tempo紙巾和餐具給我們。由於包Tempo太礙眼，我即刻問佢喇！包紙巾送架??!!佢先講話要收$2！即刻話唔要喇！依家大陸都唔用依招喇！開始有不詳預感…我地叫左:1.豉汁蒸鱔 <口窒窒講話$9兩，仲懶好話，你咁少人叫半條咪夠o羅~!點知上桌碟野俾12人食都有餘！>2.西蘭花炒鮮魷 <都ok，鮮魷較老>3.炸鯪魚球併墨魚球 <這個算係最好，不過，炸o野好難唔好食>4.水蟹粥 <隻蟹真的得D水！無咩肉！粥底味道清清地，都ok，但唔係綿個隻！>5.干燒伊麵 <油+伊麵味，講完！>當時，唔係繁忙時間，侍應多過客！無理由質素咁差！埋單$486，淨係碟鱔都$210，佔了單一半。起身走人，1 毛 Tips都唔俾！講真，依間野，名過其實！無野架！無下次o羅！然後上o黎"話"俾大家聽o羅！之後，我地上的士過返澳門，在的士中，忍唔住不停鬧鬧鬧鬧鬧鬧鬧鬧鬧鬧鬧鬧鬧鬧，連個司機都忍唔住問:邊間呀?跟住佢都話:

決戰完大利豬扒包....意猶未盡，男友大人話要食水蟹粥，咁就去呢間大大隻字寫住好味到左麟右李都嚟幫襯嘅誠昌。入到去得兩枱客，可能係三點幾嘅關係啩....粥款只有四種: 1. 水蟹粥2. 水蟹田雞粥3. 田雞粥4. 鮮雞粥雖然男友大人唔太接受田雞，但係因為我鍾意食， 所以大人都叫咗窩細水蟹田雞粥，再加椒鹽鮮魷送啤酒。轉眼講都冇咁快個水蟹田雞粥就喺眼前，應該係煲落，當有人order時再加料上枱...先得咁快。望落去個粥冇門口張相咁橙色(即表示粥內蟹膏份量少)， 入口第一啖都有股蟹香，食多兩啖之後就唔多覺，蟹蓋內蟹膏欠奉....因為呢隻係肉蟹啦，所以佢隻蟹鉗反而幾好肉地，蟹味一般。田雞大大件，肉質滑而不硬，一窩細粥內都有兩件，尚可。椒鹽鮮魷啲魷魚肉身好厚，好彈牙有咬口，椒鹽味道都唔錯，而且份量都ok大碟。服務方面，可能未係繁忙時間，啲阿姐都懶得理你咁。

星期六當晚一心由碼頭搭巴士去氹仔試食呢間誠昌 (因為事前上黎睇過都唔少人讚好)當晚一行6人, 一入門口樓下既阿姐 (侍應) 招呼都唔錯, 請到樓上坐喇! 上到去坐底就睇叫咩食. 1) 一碟炸鯪魚球 (味道一般) 仲要問D侍應, 先有人俾蜆介(味道唔錯), 唔問就詐詐帝唔俾囉2) 白灼腰肝腸 (味道超一般, 我諗手信街檔牛什會正過佢多多聲)3) 西蘭花鮮魷 (味道尚可)4) 椒鹽田雞腿 (田雞腿 比起一般既過份大舊, 同埋炸到過左火,係見到都唔想食)5) 大SIZE 水蟹粥 (共8碗左右) (佢D粥的確好夠味, 同埋我相信佢係無咩味精, 因為至少食完無話勁口渴, 但係D蟹肉係"梅", 唔知佢係浸左太耐定唔新鮮喇)6) 豉汁蒸鱔 (呢碟餸係最後上既一碟, 我地ORDER左半條@$9/兩, 但係碟鱔一黎到, 同平常既有點怪異, 就係唔知點解D皮係綠色, 正常係黑灰色, THEN 同枱有人用筷子撩下舊鱔, 先有驚人大發現 原來條鱔根本無去潺, OH MY GOD, 我立即叫人黎即刻拎走碟野, 叫佢自己睇清楚, 點解條魚唔起潺都可以照蒸出黎俾人食, 咁都算, 我覺得最差既係, 佢地當無事, 拎走

9月6日, 晏晝我地就黎咗官也街, 搵唔到我地原本想食嘅緬甸麵, 所以又黎食過番尋味嘅誠昌食水蟹粥~::: 水蟹粥 ::: $95比上次黎加咗價, 加幅都唔少, 可能真係幾特別又好味啦~ 一大碗足2人份, 淨食呢個都夠~ 用料足, 有一大隻蟹, 金黃色嘅蟹糕仲溶晒落d粥度, 每一啖都食到好鮮嘅蟹味, 一d都唔腥~ 隻蟹鉗都仲大隻添, d肉味又唔會話走晒去粥度~ 有得食, 有得飲, 水準都保持到, ok~其實除咗水蟹粥, 都想試下佢地其他野, 不過我地得2個人, 食一個水蟹粥都已經飽咗… 所以如果佢個蟹粥可以有d一人份量版就更加好喇~ 環境算光猛, 係坐位迫咗d, 同d呀姐服務態度麻麻…