路氹葡撻

营业中

休息中

每次嚟親新濠影匯都一定會嚟呢度買👑葡撻同豬扒包食🥰呢度嘅葡撻新鮮滾熱辣出爐😋外脆內軟 買六個會比夠抵食👍🏼鍾意食葡撻嘅你千祈唔好錯過呢間啦而家嘅葡撻好多人買有時會需要等佢即刻焗熱辣辣嘅葡撻真係好好食🥰

地點就腳，喺二樓上到去大排檔對面就係。 可能因為流量高，新鮮出爐熱辣辣。$12隻，皮脆，有層層脆效果，蛋漿夠熱，有焦糖，十分之好食。其實好多人幫襯，唔知點解冇乜嘢食評。希望留個好評，再多啲人去幫襯

行經新濠天地的美食街，發現這家旦撻店前有長長的人龍。好奇之下，排隊試試看。這家店售賣的食品唔多，就是只有葡撻和芝士撻兩款。葡撻定價$12葡幣，而芝士撻定價$20。這葡撻熱哄哄的，新鮮出爐。撻底十分鬆化脆薄，一層一層的，而旦漿香甜又滑溜，而且滿有旦奶香，唔會太甜。雖然葡撻的口感帶一點油膩，實在邪惡，但味道確實不錯，可以一試。

黎到澳門就緊係要食下萄撻架啦～經過位於酒店內既喱條食街；萄撻價錢比市區貴少少，但真係比到意外驚喜我👍🏻一拎上手feel到熱辣辣，食入口個皮好鬆脆，感覺好新鮮。甜度適中最衰雀仔肚食唔到好多野佢地重有芝士撻架($20)👈🏻下次要試下。同埋有葡撻套餐，好似係$25一個葡撻加有罐汽水。不過因為想飲其他野，所以只係叫一個葡撻。同埋佢地收八達通&店外有好多枱櫈，行到攰攰地可以坐低慢慢食總之下次再經過都要黎食多次。另外佢地把萄撻排列得好整齊！欣賞佢地專重食物因爲之前行過其他賣萄撻既地方，見到d萄撻疊到成座山咁高，好似垃圾堆咁見到都唔開胃同埋一睇就知唔新鮮

係新濠影匯住,早餐都無出去食,就係地下food court食完去睇蝙蝠俠。由於今次澳門行都無食過葡撻,於是行過就買個食下。12蚊,比出面見大多10蚊,貴少少,但都可以接受。即買即食,仲熱辣辣! 好熱,味道又啱啱好唔會太甜!比起上年係威尼斯人食安德魯好好多(睇住佢放入微波爐叮真係失望)加上以前食過瑪嘉烈亦無乜特別,反而呢度人唔多無乜評價,卻食到意料之外既驚喜

喺澳門新濠影滙未夠鐘食蒲飛不過又有啲口痕，整個葡撻就啱啱好啦。買左一個葡撻同一個鮮奶撻。個鮮奶撻完全無奶味又唔夠熱，徹底失敗；個葡撻都叫做食得吓人，可能葡撻多啲人買啦，保持到熱辣之餘仲夠脆口添，蛋味濃郁，甜度啱啱好，正。