影片
电话号码
+853 2896 6818
+853 2896 6813
付款方式
以上资料只供参考，请与餐厅确认详情
食记 (12)
夜晚在南灣睇完光影節， 10點幾覺得有啲肚餓，於是諗起嚟呢間金玉滿堂，因為佢開到凌晨三點，啱晒！唔使怕阻人收工😜而且佢有主食，又有甜品，滿足晒所有人嘅願望😋😋😋😋只要點一個正餐，加$11就可以有甜品送，今次揀咗芝士蛋糕，好好食🤤
继续阅读
服務很差!點餐時服務生不走到你桌邊點餐，竟然是站在機台大聲喊叫還叫我們大聲點，叫他過來桌邊點卻說他就是要站在機台那裏點單。真的很不解，那離機台很遠的桌位如何點餐。全場都聽見那位"貌似店長"的店員，店餐態度不佳就算了還一直在罵其他店員，並且指者顧客的餐點，嚴重影響顧客情緒。地板有點黏、沙發看起來髒髒的，整個餐廳氣味有點油膩。個人覺得楊枝甘露不如預期，我想我不會再去了，即使是那麼出名的店家，以這種服務態度示人我相信也不會存活太久的，況且餐點也不讓人特別驚艷。
继续阅读
四人食完阿利咖喱屋唔飽, 搭20秒的士黎呢度, 步行應該10分鐘就得...我就食最喜的南北杏川貝燉雪梨, 呢次雪朵比較硬, 又搵唔到川貝, 之前食過係有幾粒響雪梨芯的! 糖水偏甜, 走左樣! 芒果撈河, 河粉當然係甜品果隻, 唔係放湯果隻, 冇味的, 只係食爽口口感同芒汁 榴蓮布甸, 好大份, 榴蓮好香好滑, pancake皮仲有少少鬆脆! 同事嗌的熱西米露+湯丸, 我冇食, 因為太多西米, 佢地話飽濟....魔鬼辣椒乾蒜片牛肉炒長通粉, 呢個都係我至愛, 襯機介紹畀同事食, 點知夾落碗仔share食後, 發覺冇左驚喜既味道, 仔細分析, 明明係一樣, 粉邊dd燶夠鑊氣, 調味一樣, 又有少少辣味蒜味, 硬度又一樣適中彈牙唔黏, 牛肉一樣夠林唔靭, 差左但又up唔出有咩唔同... 最後個個都話飽, 碟粉我原碟清場啦! 咦?! 驚喜既味道返黎喇! 原來就係少左碟底既蒜油!!!! 大家知道要點食啦! 呢度真係平靚正, 份量又夠大... 係人手比較窄左d...
继续阅读
may 26, 12........我當然諗好咗食甜品嘅下場啦..........但晚飯時友人講到媽閣附近有得食生果嘅甜品舖.............所以即刻改變行程........而且由黑沙環去媽閣喺會順路d.............4人來個飯後甜品.......叫咗 :1) 龍眼冰 (mop18)-友人話d水無嘜味,但龍眼肉本身就好甜2) 金玉滿堂糖不甩 (mop13)-糖不甩啡紅嘅外表原來索咗薑湯,甜中帶點薑辣味-有點性格-花生芝麻糖碎就很普通3) 鮮什果水晶杯 (mop35)-友人忘記了上次籮咁大嘅生果碗叫咩名,以為叫水晶杯-原來水晶杯喺咁樣嘅-1/2球體嘅蒟蒻裡有芒果,士多啤梨,奇異果,火龍果粒等-底下有鮮芒果汁伴住-芒果不是好甜,但起碼有股微酸嘅自然芒果味-蒟蒻爽爽彈彈,甜度適中-呢個水晶杯都叫錯有錯著喎4) 黃金撈仙草 (mop25)-友人無嘜特別comment5) 洛神仙子 (mop22)-友人無嘜特別comment6) 熱胚芽好立克 (mop13)-好立克粉都落得幾慷慨吓,所以有輕度小"杰"7) 琉璃世界 (mop35)-後來問咗店員大兜生果的叫咩名,原來喺雪山世界或琉璃世界-揀咗琉璃世界喺因為有涼粉-果然好大兜,4個人食就差唔多,上次友人2個人唔知,叫咗2個.............每人食咗1兜,真喺堅呀~~~~-有咬落即爆嘅qq珠,木瓜,火龍果,芒果同大大件嘅涼粉-用芒果汁撈埋-生果唔算好甜,但勝在全新鮮生果又抵食............飯後食番d生果,點都健康d~~~
继续阅读
3月19日, 話明係狂食團, 一行人食完晚飯之後遊遊蕩蕩, 經友人介紹之後就嚟咗呢個金玉滿堂食宵夜! 呢度裝修光鮮, 又好似d café咁有d designer chair, 應該都係澳門人喜愛嘅宵夜店之一, 都已經成11點, 但店內依然有好多人熱熱鬧鬧咁食宵夜~::: 咖哩焗肉碎芝士包 ::: $19平時跟餐湯附上嘅法包樣, 上面放上咖哩肉碎同一片芝士焗溶~ 咖哩肉碎都幾足料! 咖哩係澳門式味道, 都頗有辣勁, 肉碎份量都多, 口感豐富~ 塊芝士雖然係求其野, 但夾埋都算幾好食!::: 雞絲碗仔翅炸出前一丁 ::: $29出前一丁都仲可以拎去炸, 聞所未聞, 真係唔健康到極點! 但因為佢個配搭實在太新奇, 又忍唔住要叫嚟試下~ 炸出前一丁其實好似平時茶餐廳d炒麵咁, 炸得算脆, 又唔算好油! 面頭淋上d杰撻撻半透明狀好似獻汁咁嘅雞絲碗仔翅… 個獻汁翅其實都預咗係d魚膠粉水, 但味道實在太鹹!! D獻又整淋晒d麵… 成兜野覺得好味精同埋好唔健康…::: 金玉滿堂撈 ::: $19見個名似係呢度鎮店之寶咁無理由唔叫埋試試! 原來係喳咋底加涼粉椰汁糕同芒果~ 喳咋d料都多, 啖啖都有d野咬下~ d豆煲得夠淋, 微微起沙, 味道唔太甜. 碗野都幾大兜, 一個人食晒嘅話就可能會好膩…::: 凍椰汁喳咋 ::: $14椰汁喳咋就其實係金玉滿堂撈個底, 友人知道又唔講! 所以其實我地叫多咗…::: 冰糖雪耳燉木瓜 ::: $19養生甜品~ 勁多雪耳! 同埋d雪耳都煲到好淋, 唔太有爽口感覺. 木瓜就普普通通~ 整體味道甜咗d… 唔多似冰糖嗰種清甜, 但就好似好潤咁囉~ ::: 雪山世界 ::: $32呢個真係超級大堆頭! 我地都係睇到隔離枱食, 因為份量太震撼, 所以指住嚟叫! 其實就係一大盤嘅生果撈野~ 有芒果、士多啤梨、西瓜、哈蜜瓜同埋d大西米咁~ 無乜特別, 勝在d生果都ok鮮甜~呢度真係好似café~ 又有game玩又有電視睇, 上至小食、飯類、意粉, 下至特式飲品、糖水都兼備! 不過食物質素麻麻, 都係方便d純粹搵個地方hea下嘅朋友…
继续阅读
您可能会有兴趣的...