鉅記手信

营业中

休息中

雖然香港澳門好近，大家亦都成日去，但總覺得要買手信返去。😅😅屋企人好鍾意食豬肉乾，嚟親澳門都一定要搵呢款厚燒豬肉乾❤ 本身鉅記香港都有鋪頭，想去下其他店舖睇下有冇，但係睇嚟睇去都係揀返鉅記。一來因為唔係間間有呢款厚燒豬肉乾，二來其他舖頭嘅都冇咁靚咁厚~~平時嗰啲豬肉乾都係將啲肉碎壓成一塊，但係只有呢款厚燒豬肉乾就好似成塊豬肉咁樣。 屋企人貪佢好似真係食豬扒咁， 經過厚燒嘅醬汁更加惹味亦有口感！ 食落真係好似咬緊豬肉咁，直情可以用嚟做餸丫🙌買兩磅有88折， 不過都要留意店員總係會稱多畀你，等你買多d😅

隊友早我兩日去澳門玩！返來時當然要買手信，鉅記嘅分店多又多產品！今次佢買咗黑芝麻軟糖，呢款手信我未食過，粉紅色包裝搶眼，又有圖片，入面嘅軟糖獨立包裝，一樣粉紅色，好葡式嘅花樣，打開薄薄一塊正方形切割軟糖，上面佈滿黑芝麻，咬落煙韌，滿口嘅芝麻香，仲要脆卜卜，糖唔會太甜，好味！講真我去澳門如果有得揀都唔會揀呢間，因為香港有分店，感覺始終爭啲，佢嘅產品好味嘅！係我個人唸法啫！澳門手信停不了，可以次次不同款式

我們一行5人澳門之行，最後一站來到氹仔舊城區官也街掃手信！ 大家特別鍾情 <鉅記手信>！ 我買了黑芝麻杏仁餅、棋子餅及陳皮餅！ 黑芝麻杏仁餅一盒 12 件，獨立包裝，衛生之餘又可保存其質感！  膠托設計盛載的杏仁餅數量並不多！ 黑芝麻杏仁餅鬆化中帶脆口！甜度適中！粒粒杏仁及黑芝麻增添口感！真令人回味！ 棋子餅其實是迷你版杏仁餅！鬆化可口！況且，沒有獨立包裝，排到密密麻麻夠實際！帶回公司食最好！ 陳皮餅 ( 6 個 )成份：麵粉、陳皮、冬瓜茸、砂糖、麥芽糖、蛋、植物油、奶粉、牛油、澎脤劑、防腐劑。3 個為獨立包裝，每個均有膠托分隔。一剪開個袋，即刻聞到好似鳳梨酥的香味，的確幾細個！  兩、三啖就食完！砌開見到餅皮幾薄，多餡；食落幾重陳皮味，帶點甘苦，落埋冬瓜茸及麥芽糖，食起來不會太寡，又有甜味中和一下！陳皮本身有健脾功效，亦可化痰。