亞利咖喱屋

营业中

休息中

自从11年前经人介绍嚟呢度之后，每一次嚟澳门都有帮衬佢，硬系觉得其他餐厅又贵又唔好食！今次得一条友，可以拣嘅种类唔多，结果叫返第一次同女友(现老婆)嚟时食嘅印度焗猪扒饭，味道如旧！只系当年假期都唔驶点排队，依家连星期四都要排队！由于人多，所以今次只可以安排坐出面，不过都叫做15分钟内安排到我嘅座。坐出面嘅好处就当然系可以一边食，一边望住旅游塔！不过户外灯光唔多够，睇菜牌之时都几辛苦，我仲见到有客人要攞支私伙电筒出嚟照住先睇到。印度焗猪扒饭同以前一样都系好辣吓，唔食得辣嘅朋友最后唔好叫呢一味，真系可以食到成头大汗！由于我得一条友，食完都系即刻走，好难好评价佢哋楼面嘅服务，不过我都等咗碟焗饭二十分钟。