經典意大利餐廳

营业中

休息中

复活节假期去左澳门玩，想试Robuchon不过无位，旅游书介绍呢间餐厅，上黎open rice见到食评唔错，即管一试。我同我朋友中午未够12点就到，餐厅好大，客人不多，不过员工好多，所以服务都好周到。我order了一个杂菜汤自己饮，然后share pizza同食友介绍的柠檬clam意粉同埋一个墨鱼/八爪鱼冷盘。由于个日有D冻同极之肚饿，所以个汤一到已经有好温暖的感觉。非常home made，个墨鱼/八爪鱼加埋青口粒已经熟，一D都唔靭，好软熟，淋上橄榄油、柠檬、蒜茸、葱，海鲜味好浓，好食！pizza就okay，我自己比较中意个意粉，clam好新鲜（不过有小小沙），好清新，唔heavy,最后order tiramisu，都唔错，埋单都唔平，不过以呢个质素/环境，我觉得物有所值。值得提既系，员工好努力甘问我哋食完未，有人会错觉佢哋系想我哋快D走，但个日得几台客，佢哋收完碟后就无再骚扰我哋，我哋最后hea左三个钟头，所以我比较相信佢哋系出于好心，想我哋台面干净。可以一试。