影片
更多
2010-04-07
113 浏览
刚过去复活节一家8大1细去礼记食晚饭，因怕无位已于10日前订位，而接电话𠮶位先生表示特别菜式须要预留，经𠮶位先生介绍下我就预留足8-10位用鸡煲中勾翅$1,100及芋鸭$2XX。点知当晚7点05分去到(我预约时间系7点30分)，坐低之后因为家人不十分饿，所以就问下可唔可以将个翅改细D(6-8位用)，但系侍应问完回覆我哋个翅已经整咗无得改，咁我就算啦! 点多几个小菜叫佢上菜，点知等咗45分钟都无嘢食，我就问个女部长又话个翅整好咗点解重未上菜，于是佢话追下厨房，我哋再等咗10分钟，再追佢涷虾应该已经一早整定架，点解等咁耐都唔比我呢?佢先上比我哋，第二碟上菜，我系叫蒜茸炒菜芯，嚟到系清炒菜芯(蒜茸都揾唔到粒)，都算哪!退返比佢都唔知几时至有得食，之后再上奶油津白同、蟹盒(卖相差同涷又系一早整定)，无耐有个侍应同我哋讲，我哋一早叫嘅醉鸡卖晒，我哋都无话佢改礼记小炒皇，再跟住上左碟炸物，细问之下佢话系芋茸卷，我同佢讲我系订芋鸭叫佢拎走，跟住个女部长过嚟佢话系跟柯打做唔会错(我都唔知有呢道菜有咩可能我会识预留最重要系呢个又唔系咩特别菜式点会须要预留呀!离谱到无嘢话佢!) ，结果芋鸭无得食都算! 叫
涷虾 - 无特别
奶油腿茸津白 - 劲细碟，D腿茸要落足眼力至揾到
蒜草炒菜芯 - 变左清炒菜芯，只得10数条幼幼地唔多精神嘅菜芯
招牌菜蟹盒 - 预制品，无咩味又唔热
鸡煲中勾翅 - $1,100交咁嘅货式，翅细梳重系唔值钱货式，劲唔值
芋鸭变左芋茸卷 - 12粒收$98，好过去抢，炸芋茸包几粒好似叉烧包D馅嘅肉粒，无特别又唔好食
招牌菜炒鲜奶 - 造假，食唔到奶味，只食到鞋口嘅蛋白同油。
礼记小炒皇 - 想食垃圾，可以试下
埋单 $1,8XX-
总结 : 如果钱多比人㓥又想受下气可以嚟试下
张贴