新波爾圖 (已結業)

因为此次为氹仔行, 3日以嚟都留喺氹仔无去过澳门, 所以食饭及出行地点全都喺氹仔! 官也街附近好几间葡国餐厅我都试过! 老实讲, 劲贵之余又唔特别好食! 最后喺Openrice 睇到呢间食评唔错一于试试! 去到餐厅要等位, 外藉职员好有礼貌咁叫我哋9pm 返嚟, 我哋喺门口睇定餐牌, 发觉价钱真系几平, 选择亦多!见食评推介 “马介休芝士薯蓉挞” 为免太饱, 我哋2个女仔要迷你版, 男同事要个大既! 超…超…超…好食! 挞皮好松脆, 馅料丰富, 劲多马介休, 好好味啊! 葡式猪耳仔沙律 $55 ~ 推! 猪耳爽脆, 成件事好清新解腻! 特别一提系呢个基本上应该系猪耳洋葱沙律, 劲多爽甜洋葱, 唔似腌过但系又完全唔辣, 仲好香甜, 我哋食到一条都无剩! 波尔图炒蚬 $108 ~ 份量颇多, 酱汁浓厚幼滑, 蚬鲜甜, 不过我觉得蚬熟左少少, 友人就话刚刚好, 大家要求不同吧!薯茸青菜汤 $30 ~ 唔系我杯 “汤”! 系好饮既, 好足料, 饮到好多薯味, 不过我唔 like! 盐烧沙甸鱼 $48 ~ 呢个价钱有2大条, 劲肥美超厚肉又唔腥, 仲有 d 炸蒜粒, 超级香! 我本身唔喜爱食沙甸