坤記餐室

营业中

休息中

坤记比我第一个印象就系「寸」！我哋一行12人订咗8点钟，约7点半我哋已经到咗，我见到佢楼下有2张6人吉枱，咪入去同柜面个女人讲我哋订咗8点而家有冇位呀？点知柜面果一男一女，你一句我一句咁话：「8点？你订咗8点而家咁早黎，紧系冇位啦，8点松D你哋先好黎呀，唔好以为订咗8点就8点比到枱你哋呀。」真系激气！！至于食物方面综合各人意见，有以下评价马介休球 – 球中心比较多西芹, 不喜欢吃葡肠奄列 – 比较咸烧猪柳 – 惹味, 但偏咸烧沙甸鱼 – 好味, 不太干西洋腊肠炒饭 – 好味煏牛尾 – 不错蒜蓉炒青瓜 – 好味吉列猪扒 – 好咸另外叫咗六个包，其中有两个个底烘㶶咗，但系都照比客人食叫咗三.四次佢哋比清水都唔啋你, 后来叫汽水就好快回应其实我7月果时试过附近果间富仕葡式美食，相比之下我觉得富仕好味得多。但系今次人多，而富仕地方细，所以先至拣坤记。因为受到不礼貌对待，而食物又一般，所以下次唔会再去坤记。