影片
更多
2023-01-27
795 浏览
不定期出走好西推荐系列 澳门篇 (1) - 北方馆🇲🇴北方馆(威尼斯人)📍路氹城金光大道望德圣母湾大马路澳门威尼斯人地面大堂1015号舖「十四天，大概足以证实，情伤你会治理」#隔离 #JaceChan #林家谦啱啱新年终于开关，趁住新年假期，久违地计划即日快闪澳门团一日团，无去澳门3年，今次仲系第一次坐直通巴经港珠澳大桥过关，车程都非常舒适快捷，由太子上车连埋过关到达澳门大概用咗都系1个半钟，好适合怕坐船会晕船浪嘅朋友。第一站我地book左澳门teamlab打卡影相，所以就系威尼斯人落车，虽然食左早餐同埋夜晚book咗自助餐，但见时间尚早，而且澳门嘅foodie朋友都好推介咗依间位于威尼斯人嘅北方馆，我地就一于试试佢。北方馆成间餐厅偏向中川菜嘅格局，楼底非常高，装修设计既有传统大红大紫嘅气派之余亦好花心思謍造时尚新派气息，而且侍应服务亦非常热心殷勤。-鲜肉小笼包 💲70 ⭐️4/5⭐️-鲜肉锅贴 💲85 ⭐️3.9/5⭐️小笼包即点即制新鲜出炉，皮薄馅靓，入口理想当然地肉汁满溢，非常唔错。鲜肉锅贴上枱用咗铁板摆盘，颇为隆重，可惜锅贴皮比较厚，比小笼包稍逊一筹。-炒烤羊肉夹馍 💲175 ⭐️4.
北方馆(威尼斯人)
📍路氹城金光大道望德圣母湾大马路澳门威尼斯人地面大堂1015号舖
「十四天，大概足以证实，情伤你会治理」
#隔离 #JaceChan #林家谦
啱啱新年终于开关，趁住新年假期，久违地计划即日快闪澳门团一日团，无去澳门3年，今次仲系第一次坐直通巴经港珠澳大桥过关，车程都非常舒适快捷，由太子上车连埋过关到达澳门大概用咗都系1个半钟，好适合怕坐船会晕船浪嘅朋友。
第一站我地book左澳门teamlab打卡影相，所以就系威尼斯人落车，虽然食左早餐同埋夜晚book咗自助餐，但见时间尚早，而且澳门嘅foodie朋友都好推介咗依间位于威尼斯人嘅北方馆，我地就一于试试佢。
北方馆成间餐厅偏向中川菜嘅格局，楼底非常高，装修设计既有传统大红大紫嘅气派之余亦好花心思謍造时尚新派气息，而且侍应服务亦非常热心殷勤。
-鲜肉小笼包 💲70 ⭐️4/5⭐️
-鲜肉锅贴 💲85 ⭐️3.9/5⭐️
小笼包即点即制新鲜出炉，皮薄馅靓，入口理想当然地肉汁满溢，非常唔错。
鲜肉锅贴上枱用咗铁板摆盘，颇为隆重，可惜锅贴皮比较厚，比小笼包稍逊一筹。
鲜肉小笼包
49 浏览
0 赞好
0 留言
鲜肉锅贴
44 浏览
0 赞好
0 留言
-炒烤羊肉夹馍 💲175 ⭐️4.1/5⭐️
上枱排场亦非常抢眼，一边系砂锅盛载住香气满溢嘅羊肉，一边系啱啱烘烤过夹馍，羊肉充满孜然香气，再加上三色椒洋葱爆炒，放入夹馍进食，非常惹味。
炒烤羊肉夹馍
38 浏览
0 赞好
0 留言
炒烤羊肉夹馍
55 浏览
0 赞好
0 留言
-拔丝香蕉 💲70 ⭐️4.1/5⭐️
经过一轮饱点嘅洗礼，我地不知不觉已经颇为饱肚，仲要留肚夜晚食buffet，但朋友极力推荐之下，仍然点咗拔丝香蕉作为甜品。
拔丝香蕉卖相好吸引，好似一串串冰糖葫芦咁插系盒上，我地自己捞匀糖丝就可以入口，炸香蕉外脆内软，加埋糖丝增加口感，令到今次午餐已经非常满足。
拔丝香蕉
52 浏览
0 赞好
0 留言
拔丝香蕉
39 浏览
0 赞好
0 留言
-
总结: 餐厅装修气派大气时尚，服务招待亦非常贴心，菜色出品亦非常多元化，今次午餐轻轻浅尝几款食物水准都唔错，期待下次嚟可以试更多唔同菜色食物。
张贴
