8

营业中

休息中

8餐厅，开叶不久就摘得米之莲二星，可想而知，水准唔会差，而且越嚟越多人嚟吃饭，提前一个礼拜订位，竟然先订到10点半到12点，有几旺？有得睇喇！茶位10 mop一位，茗茶另计，以米之莲二星餐厅嚟讲，算系好抵嘅价钱，上菜前每位都有一小碟嘅餐厅小食，质素唔错，尤其以个块鲍鱼片可以睇得出系诚意之作...先上嚟嘅系蜜汁叉烧，要叉烧做得好吃，唔容易，the eight做到咗，首先，呢度嘅叉烧嘅做法令到d肉汁极大甘保留，其次，火候刚刚好，唔会太“㶶”，肉够嫩...跟住上嚟嘅系好评如潮嘅霸王淡水鲜虾金鱼饺，的确系必食之选，皮够薄，包住鲜味十足嘅海虾，掂！再有呢个梅菜肉粒肠粉，应该系做肠粉嘅米浆够好，所以做出嚟嘅肠粉够“烟韧”，而且梅菜够味，所以唔使“酱料”都一样好吃！大受好评嘅点心除咗霸王淡水鲜虾金鱼饺之外，仲有呢个鲍鱼酥，外面脆脆嘅酥皮，加上内里烟韧嘅鲍鱼粒，香菇粒，外脆内韧，口感一流...见到有鱼汤蛋白蒸蟹钳，点咗两份（因为系起码要order两位），老实讲，水准中上喇，不过就嫌蟹钳蒸得过熟，所以有点老...等得最耐，亦都系最期待嘅就系呢度嘅乳猪焗饭，由于比较中意吃肉所以order咗后半部分，果然名